http://encyclopedia.gov.lk/si_encyclopedia/index.php?action=history&feed=atom&title=%E0%B7%83%E0%B7%92%E0%B6%BA%E0%B7%8F%E0%B7%80%E0%B7%83 2026-05-19T05:17:14Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B7%83%E0%B7%92%E0%B6%BA%E0%B7%8F%E0%B7%80%E0%B7%83&diff=4447&oldid=prev 2024-01-18T03:12:02Z

<p>&#039;මෙය සත්විසි නැකත්වලින් සූවිසි වැන්න ය. සියාවස...&#039; යොදමින් නව පිටුවක් තනන ලදි</p> <p><b>නව පිටුව</b></p><div>මෙය සත්විසි නැකත්වලින් සූවිසි වැන්න ය. සියාවස නැකත මංඩලාකාර තරු සියයකින් යුක්ත ය. මේ නැකත රාක්ෂස ගණයි. වෙළඹ යෝනියි. කොළොම් වෘක්ෂයි. මයුර පක්ෂියි. ආකාශ භූතයි. කෘතු ගොත්‍රයි. සංකර වර්ණයි. නපුංසක ලිඞ්ගයි. පූර්ථ නාඩියි. බාහු රජ්ජුයි. අධො මුඛයි. මන්ද ලෝචනයි. වරුණ දේවතාධිපති වූ මේ නැකත වරුණ මණ්ඩලයට අයිති ය. රාශි චක්‍රයේ මධ්‍යම මාර්ගය වූ ජරත්භව වීථියෙන් කොටසක් මේ නැකතට සම්බන්ධ වේ. මෙය උදා වී ඝටිකා කුදුසක් ගිය තැන ඝටිකා සතරක් විෂ බැවින් ඒ කාලය ගමනෙහි අශුභයි. ඉතිරි කාලය තුළ බත් අනුභව කොට සෑම දිශාවන්ට ම යෑමෙහි ශුභයි. මේ නැකතින් උණ රෝගය වැළඳුණ හොත් අසාධ්‍ය වේ. දින දහයක් ගතවනතුරු අරිටු බැව් ඇතැම් මතයි. ඊට වරුණ දේවතා ප්‍රතිමාවක් රනින් කරවා සුදු වස්ත්‍ර සඳුන්, නිලුපුල්, ගිතෙල් සහ ගුගුල් ගුගුල් ධූප, මාංසාභාර ආදිය නියමිත මන්ත්‍රවලින් මතුරා පුදා උතුරු දිග බලි තැබීමෙන් දින දහයකින් සුවවේ. <br /> <br /> සියාවස නැකත ඉරුදිනක යෙදුණ කල අව යොගයි. සඳු දිනයෙහි අමෘත යොගයි. කුජ දිනයෙහි මර යොගයි. බුධ දිනයෙහි ශුභ යොගයි. ගුරු දිනයෙහි අව යොගයි. කිවි දිනයෙහි ගුභ යොගයි. ශනි දිවියෙහි සිද්ධ යොගයි. සා නැකතෙහි ක්‍රෑර ග්‍රහයෙකුගේ යෙදීමක් ඇති විට මහාශුල යොගයි. මේ නැකතින් උත්පාත දර්ශනයක් වී නම් කිරි හා ධාන්‍ය වර්ග සුලභ වේ. සියාවස නැකතින් මල්වර වූ කන්‍යා තොමෝ ධන ධාන්‍යයෙන් හා පුත්‍රයන්ගෙන් යුක්ත වන්නී ය. ඇතුන් අසුන් නැගීම, ගව චිකිත්සා, යෝගශාස්ත්‍ර යන මේවා ඉගෙනීමෙහි ද විවාහ, ශාන්ති, ජප, තොම, කෘෂිකර්ම, ස්ත්‍රී සම්භොග, නාමකරණ, අන්ත ප්‍රාශන්‍යදියෙහි ද මේ නැකත ශුභයි. සියාවස නැකතින් උපන් තැනැත්තේ පරදාරාවන් සේවනය කරමින් පිටරට ගමනාගමනය කරන ධන සම්පත්තියෙන් ආඪ්‍යවූ ලෝභියෙක් වේ. මෙහි ප්‍රථම පාදය ගුරුට හිමි ය. එහි උපන්නේ ගවයන් හා බමුණන් කෙරෙහි ඇලුණාවූ අහඞ්කාර ස්වභාවයෙන් යුත් ස්ථිර බුධි ඇත්තෙක් වේ. දෙවන පාදය ශනිට හිමි ය. එහි උපන්නේ ලෝභී වූ නීච ක්‍රියා හා ක්‍රෑර ක්‍රියා ඇති ජනයාට ද්වේශ කරන්නෙක් වේ. තුන්වන පාදය ශනිට හිමි ය. එහි උපන්නේ පාප සිතිවිලිවල ඇලෙන මන්ද බුද්ධි ඇති උගතෙක් වේ. සිව්වන පාදය ගුරුට හිමි ය. එහි උපන්නේ කර්කශ වචන හා අවුල් වූ සිත් ඇති රහස් කටයුතුවල ඇලුණ සැප ඇත්තෙක් වේ. මේ නැකතින් උපන් ජන්මයාට පළමුවෙන් ඇතිවන්නේ රාහුගේ නක්ෂත්‍ර මහ දශාව ය.ගො, ස, සි, සු යන අකුරු සතර සියාවස නැකතේ පාද හතරට පිළිවෙළින් හිමි වේ. මේ අකුරු නාමකරණය සඳහා යොදනු ලැබේ. කාව්‍ය ශාස්ත්‍රයෙහි සගණය මේ නැකට හිමි වේ.<br /> <br /> හෝරාභරණය, 125<br /> <br /> මුහුර්ත චින්තාමණි, 32 <br /> <br /> නක්ෂත්‍ර චුඩාමණි, 46<br /> <br /> ගුණදොෂ සඞග්‍රභව, 24 <br /> <br /> යවන ජාතකය, 68<br /> <br /> ලග්න සථසඍමු, 4<br /> <br /> චන්ද්‍රාභරණ, 24<br /> <br /> ලග්න චන්ද්‍රිකා, 64<br /> <br /> වෘතත්සංඕතා<br /> <br /> මුහුර්ති තත්ව <br /> <br /> රාශ්‍රි ලග්න නිරූපණ <br /> <br /> කෝෂ්ඨි ප්‍රදීප<br /> <br /> (කර්තෘ: [[ඩී.ආර්. සෙනෙවිරත්න]]: 1956)<br /> <br /> (සංස්කරණය නොකළ)<br /> <br /> [[ප්‍රවර්ගය: ස]]</div>

Senasinghe