http://encyclopedia.gov.lk/si_encyclopedia/index.php?action=history&feed=atom&title=%E0%B7%83%E0%B7%93%E0%B6%B8%E0%B6%B1%E0%B7%8A%E0%B6%AD 2026-05-19T08:16:59Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B7%83%E0%B7%93%E0%B6%B8%E0%B6%B1%E0%B7%8A%E0%B6%AD&diff=4274&oldid=prev 2023-12-27T10:00:38Z

<p>&#039;(සීමන්තෝන්තයන). මෙය ගැහැණියකගේ ගර්භ පාරිශුද්ධ...&#039; යොදමින් නව පිටුවක් තනන ලදි</p> <p><b>නව පිටුව</b></p><div>(සීමන්තෝන්තයන). මෙය ගැහැණියකගේ ගර්භ පාරිශුද්ධිය සඳහා කරනු ලබන සංස්කාරයකි. ගැබ් හටගත් 4-6-7-8 යන මාසයක දී මෙය සිදු කළ යුතු බව බොහෝ ආචාර්ය මතවල සඳහන් වේ. සීමන්තොන්තයන සංස්කාරයෙන් ගැබිණියගේ හිසකෙස් උඩුකුරු ව බෙදා පීරීමේ පටන් දරු ප්‍රසූතිය නිම වී කලක් යනතුරු ඒ අඹුසැමි දෙදෙන ලොකාස්වාද රතියෙහි නොහැසිරිය යුතු ය. සීමන්තොන්තයන සත්කාර විධිය අශ්වලායන විස්තර කරන්නේ මෙසේ ය. ගැබ් හටගත් සිව්වන මාසයෙහි පුර චන්ද්‍රයා පුරුෂ නක්ෂත්‍රයක හැසිරෙන විට ස්වාමි පුරුෂයා විසින් සෝමාග්නිය දල්වා එයින් බටහිර දිශාවෙහි ගෙල නැගෙනහිරට සිටින සේ ගව සමක් එළා පුද පූජා පවත්වමින් සෝම කළ යුතුයි. ඒ අතර ගැබිණි තොමෝ ගව සම මතුපිට වාඩි වී ඍග්වේදයට අයත් සූත්ත (ස්තෝත්‍ර) දෙකක් කියමින් පුරුෂයාගේ ශරීර ග්‍රහණය කරන්නී ය. එකල පුරුෂයා නොපැසුණු එල ඉරට්ට සංඛ්‍යාවක් ඇති ඇවරිය (පොකුර)කින් ද සුදු ගෝමර (පුල්ලි) ඇති ඉත්තෑකූරකින් ද කුසතණ මිටි තුනකින් ද ගැබිණියගේ නළල මුදුනේ පටන් තෙවිටක් හිසකෙස් උඩුකුරව බෙදා පීරමින් භූර්, ගුවා, ස්වර්, විං යන වචන උච්චාරණය කටයුතු ය. ඉන්පසු පුරුෂයා නළා පිඹින්නන්ට ආමන්ත්‍රණය කර “සෝමරජු උදෙසා ගී ගයව”යි අණ කළ විට, ඔවුහු “අපගේ සෝමරජුනි, මානව වර්ගයා කෙරෙහි ආශීර්වාද කළ මැනව.” ආදී අර්ථාන්විත ගී ගයති. මේ ගී කීම අවසන් වූ විට සුඛිත ව ජීවත් වන සැමියා හා දරුවන් ද ඇති බැමිණියක ලවා ඒ අඹුසැමි යුවලව ඉන් නික්ම යාමට අණ කර විය යුතුයි. මේ සංස්කාරය සිදු කිරීම පිණිස ගවයකු දක්ෂිණා වශයෙන් දීම නියමිත ය. <br /> <br /> පාරාස්වර කෘත්‍ය සූත්‍රයෙහි: සීමන්තොන්තයන කළ යුත්තේ ප්‍රථමවරට ගැබ්ගත් සවන හෝ අටවන මාසයේ දී ය. මේ සඳහා ස්වාමි පුරුෂයා විසින් තල, මුං ආදී නානා විධ ආහාර වර්ග පිස ප්‍රජාපතීට පිදිය යුතුයි. සෝමාග්නියට බටහිර දිග සුවපහස් දෙන අසුනක වාඩි වී සිටින ගැබිණියගේ නළල මුහුණෙහි පටන් නොපැහුණු ඵල ඉරට්ට සංඛ්‍යාවක් ඇති අට්ටික්කා පොතුරසින් ද දළු (කුසතණ හෝ වැලුක්) මිටි තුනකින් ද සුදු පුල්ලි (විත්) තුනකින් යුත් ඉත්තෑකූරකින් ද කුඹුක් හෝ අන්දර කෝටුවකින් ද දිගටි හීන් දණ්ඩකින් ද තූර්, ගුවා, ස්වර් යන වචන කියමින් එක් වචනයකට එක් වර බැගින් හිසකෙස් උඩු අතට බෙදමින් පීරිය යුතු ය. ඉන්පසු අට්ටික්කා ඵල ආදිය නූල් තුනක් එකට අඹරා සාදාගත් නූලකින් ගැටගසා වෘක්ෂය ඕජාවෙන් සාරවත් ය. ගස මෙන් ම කොපද ඕජාවෙන් සාරවත් ව ඵලඔභරිත වේවා’යි කියමින් ගැබිණියගේ බෙල්ලෙහි රඳවිය යුතු ය. අනතුරුව නලා පිඹින්නන්ට ගී කීමට පුරුෂයා අණ කරයි. මේ සංස්කාරය අවසන් වන්නේ බ්‍රාහ්මණයන්ට ආහාරපානාදිය වැළඳවීමෙනි. <br /> <br /> සීමන්තොන්තයන සංස්කාරය බාදිරගෘහ්‍යසූත්‍ර, සංකායනගෘහ්‍යසූත්‍ර, ගොහිලගෘහ්‍ය සූත්‍රාදියෙහි ද මීට ස්වල්ප වෙනසක් ඇතුව විස්තර වේ.<br /> <br /> අශ්වලායන ගෘහ්‍ය සූත්‍ර…....14<br /> <br /> පාරස්තර ගෘශ්‍ය සූත්‍ර……..15<br /> <br /> ඛාදිර ගෘහ්‍ය සූත්‍ර…...…24<br /> <br /> සංකායන ගෘහ්‍ය සූත්‍ර..........22<br /> <br /> ආපස්තම්භ ගෘහ්‍ය සූත්‍ර….....18<br /> <br /> යඥවල්ක්‍ය ස්මෘති……22<br /> <br /> හිරණ්‍යකේශී ගෘහ්‍ය සූත්‍ර……27<br /> <br /> භොහිල ගෘහ්‍ය සූත්‍ර……31<br /> <br /> (කර්තෘ: [[ඩී.ආර්. සෙනෙවිරත්න]]: 1956)<br /> <br /> (සංස්කරණය නොකළ) <br /> <br /> [[ප්‍රවර්ගය: ස]]</div>

Senasinghe