http://encyclopedia.gov.lk/si_encyclopedia/index.php?action=history&feed=atom&title=%E0%B7%83%E0%B7%9C%E0%B6%AB%E0%B7%8F 2026-05-19T05:16:58Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B7%83%E0%B7%9C%E0%B6%AB%E0%B7%8F&diff=4422&oldid=prev 2024-01-11T04:24:11Z

<p>&#039;ගෞතම බුද්ධ ශාසනයෙහි ආරබ්ධ විරිය ඇති භික්ෂුණී...&#039; යොදමින් නව පිටුවක් තනන ලදි</p> <p><b>නව පිටුව</b></p><div>ගෞතම බුද්ධ ශාසනයෙහි ආරබ්ධ විරිය ඇති භික්ෂුණීන් අතර අග තැන්පත් අසූමහ ශ්‍රාවකයන් පිරිසට අයත් රහත් මෙහෙණියකි (''එතදග්ගං භික්ඛවෙ මම සාවිකානං භික්ඛුනීනං ආරද්ධවිරියානං යදිදං සොණා'', අ.නි.1, එතදග්ගපාළි).<br /> <br /> සැවත් නුවර කාන්තාවක් වූ මෝතොමෝ බොහෝ දරුදැරියන් (දූපුතුන් දසදෙනෙක්) ඇති ව සිටි බැවින් ‘බහුපුත්තිකා’ නමින් ප්‍රසිද්ධ වූවා ය. සිය සැමියාගේ වියෝවයෙන් පසු ඈ ස්වකීය වස්තුව කිසිවක් ඉතිර කර නොගෙන ම සියල්ල දරුවන් අතර බෙදා දුන්නා ය. නොබෝ කලකින් දූදරුවෝ සියලු දෙනා වෘද්ධ වූ සිය මව නොසළකා හැරියහ. ඉන්පසු ඕ තොමෝ ගිහි ගෙයි ඵලක් නැතියි සිතා පැවිදි වූවා ය. ‍<br /> <br /> මෙසේ පැවිදි වූ සොණා මෙහෙණිය දිවා කලයෙහි භික්ෂුණීන්ට උවටැන් කොට රාත්‍රී භාගයෙහි බණ දහම් ඉගෙනීමටත් භාවනාවටත් යොමු වූවා ය. ඇතැම් භික්ෂුණීහු නිතර ම ඇගේ වැරදි සෙවූහ. බොහෝ විට ඇගේ සිත් රිදවූහ. මෙයින් සංවේගයට පත් ඈ මහත් උද්යෝගයෙන් භාවනා වැඩීමට පටන් ගත්තා ය. භාවනා කිරීමෙහිලා ඇය දැරූ වීර්ය කෙතරම් ද යන්නෙන් ‘බහු පුත්තිකසෝණා’ යන නමින් හඳුන්වනු ලැබූ ඕ එතැන් පටන් ‘ආරද්ධ විරිය සෝණා’ නමින් ප්‍රසිද්ධ වූවා ය. ඇගේ නුවණ මුහුකුරා ගිය බව දත් බුදු රජාණන් වහන්සේ ඇය වෙත රැස් කළඹක් යවා ගාථාවක් දේශනා කළහ. එය අසා ඕ රහත් වූවා ය.<br /> <br /> රහත් වීමෙන් පසු, භික්ෂුණින් ඇය උසස් මගඵල ලැබු බැව් නොදැන, පෙර මෙන් ගරුසරු නැති ව කතා කොට පව්සිදු කර ගනිතැ’යි සිතා තමා රහත් වූ බව ඔවුනට හැඟවීමට අදහස් කළ ඕ දිය බඳුනක් ලිප තබා ගිනි නොමෙළවා ඍද්ධි බලයෙන් ම එය උණුසුම් කළා ය. ඒ දුටු භික්ෂුණීහු එතුමියගේ රහත් බව පිළිගෙන ඔවුන්ගෙන් සිදු වූ වැරදිවලට සමාව ද ඉල්ලා සිටියහ. <br /> <br /> (කර්තෘ: [[ජයන්ත විමලසේන]]: 1957)<br /> <br /> (සංස්කරණය නොකළ) <br /> <br /> [[ප්‍රවර්ගය: ස]]</div>

Senasinghe