http://encyclopedia.gov.lk/si_encyclopedia/index.php?action=history&feed=atom&title=%E0%B7%86%E0%B6%BB%E0%B7%8A%E0%B6%B1%E0%B7%90%E0%B6%B1%E0%B7%8A%E0%B6%A9%E0%B7%9D_%E0%B6%85%E0%B6%BD%E0%B7%8A%E0%B7%80%E0%B7%8F%E0%B6%BB%E0%B7%9A%E0%B7%83%E0%B7%8A_%E0%B6%AF_%E0%B6%AD%E0%B7%9C%E0%B6%BD%E0%B7%9A%E0%B6%AF%E0%B7%9D_%E0%B6%85%E0%B6%BD%E0%B7%8A%E0%B7%80%E0%B7%8F 2026-05-17T09:27:50Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B7%86%E0%B6%BB%E0%B7%8A%E0%B6%B1%E0%B7%90%E0%B6%B1%E0%B7%8A%E0%B6%A9%E0%B7%9D_%E0%B6%85%E0%B6%BD%E0%B7%8A%E0%B7%80%E0%B7%8F%E0%B6%BB%E0%B7%9A%E0%B7%83%E0%B7%8A_%E0%B6%AF_%E0%B6%AD%E0%B7%9C%E0%B6%BD%E0%B7%9A%E0%B6%AF%E0%B7%9D_%E0%B6%85%E0%B6%BD%E0%B7%8A%E0%B7%80%E0%B7%8F&diff=6068&oldid=prev 2024-07-19T04:47:39Z

<p>&#039;(1508-83). 16 වැනි ශතවර්ෂයෙහි ස්පාඤ්ඤයෙහි විසූ රණ ශූර...&#039; යොදමින් නව පිටුවක් තනන ලදි</p> <p><b>නව පිටුව</b></p><div>(1508-83). 16 වැනි ශතවර්ෂයෙහි ස්පාඤ්ඤයෙහි විසූ රණ ශූර සේනාධිපතියෙකි. 17 අවුරුදු වියෙහි දී සිය රණශූරත්වය ප්‍රකාශ කළ හෙතෙම චාල්ස් V රජු යටතේ සේවය කළේය. එම යුගයේ විසූ අතිශයින් ක්‍රෑර සේනාපතියකු හැටියට ඔහු ප්‍රසිද්ධය.<br /> <br /> 1542 දී අතිදක්ෂ ලෙස වික්‍රමාන්විත ප්‍රංස හමුදාවලට මුහුණපාමින් පර්පීඤ්ඤොං නම් ස්ථානය රැකගත් හෙතෙම 1547 දී මූල්බර්ග්හි සටනින් සැක්සනියේ ජෝන් ෆෙඩරික් රජු පැරද වීය. ඉක්බිති චාල්ස් රජුගේ ඉතාලි හමුදාවල සේනාධිපති පදවිය ලැබ ඉතාලියට ගොස් ප්‍රංසයේ හා පාප්තුමාගේ හමුදාවලට විරුද්ධව සටන් ගෙන ගියේය. චාල්ස් රජු සිහසුන අත්හල පසු රජ පැමිණි දෙවැනි පිලිප් රජුගේ අණින් හෙතෙම ඉතාලිය හා සමාදානයට පැමිණියේය.<br /> <br /> 1567 දී අල්වා නෙදර්ලන්තයේ ප්‍රොතැස්තන්ත සභිකයන් මර්දනය කිරීම පිණිස එහි ආණ්ඩුකාර ධුරය ලැබ ගියේය. අල්වාගේ අධිකරණය මගින් එරට වැසියෝ 18,000ක් පමණ මරා දමන ලදහ. මේ බිහිසුණු සමයේ දී ලක්ෂයක් පමණ ජනයා නෙදර්ලන්තය හැර ගියහ. මේ ක්‍රෑරකම් හා අධික බදු පැනවීම් නිසා ප්‍රොතැස්තන්ත සහිකයන් මෙන්ම කතෝලිකයෝ ද ඔහුට විරුද්ධ වූහ. ඔවුහු ස්පාඤ්ඤ පාලනයෙන් නිදහස් වීමේ ස්ථිර අධිෂ්ඨානයෙන් ක්‍රියා කරන්ට වන්හ.<br /> <br /> 1573 දී අසනීප ගතිය නිසා සියරටට කැඳවනු ලැබූ මොහු 1580-81 දී පෘතුගාලයේ දොන් අන්තෝනියෝ පරදවා එරට පිලිප්ගේ ආධිපත්‍යය යටතට පත් කළේය. අල්වා සූසැත්තෑ වියේ දී මිය ගියේය. <br /> <br /> (සංස්කරණය: 1965)<br /> <br /> [[ප්‍රවර්ගය: පුද්ගල චරිත - ස්පාඤ්ඤ ඉතිහාසය]] <br /> <br /> [[ප්‍රවර්ගය: අ]]</div>

Senasinghe