"අධිරාජේන්ද්‍ර, පරකේශරී" හි සංශෝධන අතර වෙනස්කම්

14:49, 10 ජූනි 2023 වන විට නවතම සංශෝධනය

දකුණු ඉන්දියාවේ විජයාලය චෝළ රජ පෙළපතෙහි අන්තිම රජ අධිරාජේන්ද්‍රය. වීරරාජේන්ද්‍ර රා‍ජකේශරී රජුගේ පුත් වූ මොහු 1067 නොහොත් 1068 සිට පියරජු සමග රට පාලනය කොට, පියාගේ ඇවෑමෙන් 1070 දී රජ බවට පත්විය. ඔහුගේ රාජ්‍ය සමය දින කීපයකින් අවසන් විය.

ශිලාලේඛන‍යන්හි සහ ඇතැම් සාහිත්‍ය ග්‍රන්ථයන්හි ද මේ රජු පිළිබඳ යම් යම් කරුණු පළ වේ. වික්‍රමාංකදේව චරිතයේ සඳහන් වන පරිදි, වික්‍රමාදිත්‍ය VI නම් චාලුක්‍ය රජු සරණ පාවා ගෙන සිටියේ වීරරාජේන්ද්‍ර රජුගේ දූ කුමරියකි. වීරරාජේන්ද්‍ර රජුගේ මරණය ගැන ඇසූ වික්‍රමාදිත්‍ය රජු කාංචි සහ ගංගාකුණ්ඩපුරය බලා ගොස් විරුද්ධවාදීන් මැඩපවත්වා තම බිසවගේ සොහොයුරු අධිරාජේන්ද්‍රයන් සිහසුනට පත් කළ බවත් රජ පැමිණි නොබෝ කලකින් රාජ්‍යයෙහි ඇති වූ කැරැල්ලක දී ඒ රජු මරණයට පත් වූ බවත් යට කී ග්‍රන්ථයෙහි සඳහන් වේ.

චෝළ ආධිපත්‍යය යටතේ පැවැති ලංකාව පළමුවන විජයබාහු රජතුමා විසින් මුදාගන්නා ලද්දේ අධිරාජේන්ද්‍ර රජුගේ රාජ්‍ය සමයේ දී ය.

(සංස්කරණය:1963)