"අධ්‍යාචාර" හි සංශෝධන අතර වෙනස්කම්

15:18, 10 ජූනි 2023 වන විට නවතම සංශෝධනය

අධ්‍යාචාරය යනු ශික්ෂාපද ව්‍යතික්‍රමය හෙවත් ශික්ෂාපද මඩිමින් හැසිරීමයි. කායසංසර්ග ශික්ෂාපදයෙහි කායික වශයෙන් සංවර සීමාව ඉක්මවා හැසිරීම අධ්‍යාචාර නම් වෙයි. කයවික්කය ශික්ෂාපදයෙහි ශික්ෂාපදය මැඩගෙන කථා කිරීම හෝ අධ්‍යාචාර නම් වේ. එහෙයින් කයින් හා වචනයෙන් ශික්ෂාපද මැඩගෙන ආචාරසීමාව ඉක්මවා හැසිරීම අධ්‍යාචාර යනුවෙන් ගැනේ.

තවද ශ්‍රේෂ්ඨ වූ හැසිරීම (අධි-ආචාර) ද අධ්‍යාචාර නම් වෙයි. සප්තාපත්තිස්කන්ධයන් අතුරෙන් පරිජි සඟවෙසෙස් යන ඇවැත් කඳුවලට නොපැමිණීම අධිශීල නමි. නිස්සග්ගියාදි සෙසු ඇවැත් කඳු පසට නොපැමිණීම අධ්‍යාචාර නම් වේ. එහෙයින් පරිජි-සඟවෙසෙස් ඇවැත්වලට පැමිණියේ අධිසීලයෙහි සීලවිපන්න යයි ද, සෙසු ඇවතකට පැමිණියේ අජ්ඣාචාරයෙහි ආචාරවිපන්න යයි ද කියනු ලැබේ. පඤ්චාපත්තිස්කන්ධයන්ට පැමිණීම හේතුකොටගෙන අධ්‍යාචාරයෙහි ආචාර විපත්තියට පැමිණි භික්ෂූහු විසින් උපසම්පදා කිරීම් ආදිය නොකටයුත්තේය. ඇවතට පැමිණ එයින් නැඟී සිටියේ ආචාරවිපන්න නම් නොවේ (මහා වග්ග පාළි).

(සංස්කරණය:1963)