"අන්ෂිකාඕ" හි සංශෝධන අතර වෙනස්කම්

16:07, 24 ජූනි 2023 වන විට නවතම සංශෝධනය

ක්‍රි.ව. දෙවන ශතවර්ෂයෙහි විසූ පාර්තියානු ජාතික බෞද්ධාචාර්ය වරයෙකි. නැගෙනහිර පර්සියාවේ අර්සක හෙවත් පාර්තියා නම් ප්‍රදේශයේ ඔටුන්න හිමි කුමරකුව උපන් මෙතුමා සිය පියරජු මළ කල තමාට හිමි රාජ්‍යය සුළු පියකුට බාර දී බෞද්ධ ශ්‍රමණයෙක් විය. ක්‍රි.ව. 148 දී චීනයට පැමිණි අන්ෂිකාඕ මහ තෙරණුවෝ ක්‍රි.ව. 170 දක්වා බෞද්ධ ධර්මග්‍රන්ථ 176ක් චීන බසට නැඟූහ. එයින් දැනට ශේෂව ඇත්තේ පරිවර්තන 55ක් පමණකි. ධර්මචක්‍රප්‍රවර්තන, ස්කන්ධධාත්වායතන, අභිනිෂ්ක්‍රමණනිදාන, චතුඃසත්‍ය, පඤ්චස්කන්ධාවදාන, අෂ්ටාංග සම්‍යක්මාර්ග, අෂ්ටාදශ නරක සහ සප්තායතනත්‍රිධ්‍යාන ආදි සූත්‍ර යථෝක්ත පරිවර්තනයන්ගෙන් සමහරෙකි.

(සංස්කරණය:1963)