"අමරාදේවී" හි සංශෝධන අතර වෙනස්කම්

10:46, 5 ජූලි 2023 වන විට නවතම සංශෝධනය

මහෞෂධ පඬිතුමාගේ භාර්‍ය්‍යාව වූ මෝ තොමෝ රූමත්, නැණවත්, ස්ථානෝචිත ප්‍රඥාවෙන් යුත් ස්ත්‍රියකි. අමරාදේවි පිරිහී ගිය සිටු කුලයකට අයත් වූවාය.

තමාට සුදුසු භාර්‍ය්‍යාවක සොයනු සඳහා සන්නාලි වෙස් ගෙන ගිය මහෞෂධ කුමරුට අමරාදේවි පළමුවෙන් මුණ ගැසුණේ ඇය කුඹුරේ වැඩ කරමින් සිටි පියාට අහර ගෙන යමින් සිටිය දී ය. මෙසේ අතරමඟ දී මහෞෂධ කුමරුට මුණ ගැසුණු ඕ තොමෝ ඔහුගේ ප්‍රශ්න ගණනාවකට ම හස්ත මුද්‍රාවෙන් පිළිතුරු සැපැයුවාය. පසුව මහෞෂධ කුමරු ඇය කියූ මඟ සලකුණින් ඇගේ නිවෙසට ගියේය. සන්නාලියකු සේ ඇගේ නිවෙසේ කීප දවසක් පසු වූ මහෞෂධ ඇගේ ගතිගුණ සහ චරිතය කිහිප විදියෙකින් පරීක්ෂා කොට බැලීය. ඕ තොමෝ ද තමා ඔහුට ගැළැපෙන භාර්‍ය්‍යාවක් වන බව සෑම අතින් ම ඔප්පු කළාය.

අනතුරුව මහෞෂධ කුමරු අමරාදේවී කැටිව මියුලු නුවරට පැමිණ, උදුම්බරා දේවියගේ අනුමතිය ඇතිව ඇය සරණ පාවා ගත්තේය. නොබෝ දිනකින් ම අමරාදේවී රාජකීයයන්ගේ මෙන් ම ආශ්‍රිතයන්ගේත් සේවක සේවිකාවන්ගේත් සිත් ගත්තාය. මහෞෂධ කුමරුන් විනාශයට පැමිණවීම සඳහා සතුරන් උත්සාහ දැරූ සෑම විටක දී ම මො‍්තො‍මෝ සිය ස්වාමි පුරුෂයාට ප්‍රබල සහායිකාවක වශයෙන් කටයුතු කළාය.

උම්මග්ග ජාතකයේ දී මහෞෂධ කුමරුට භාර්‍ය්‍යා වූ අමරාදේවී බුදුන් දවස බිම්බාදේවීය.

(සංස්කරණය:1963)