"අමූර්-2" හි සංශෝධන අතර වෙනස්කම්

09:19, 6 ජූලි 2023 වන විට නවතම සංශෝධනය

සමාජවාදී සෝවියට් සමුහාණ්ඩ සංගමයේ ඈත පෙරදිග කොටසේ අමූර් ගංගා නිම්නයේ පිහිටි, වර්ග සැතපුම් 1,42,471ක් විශාල ප්‍රාන්තයකි. මෙහි ග්‍රීෂ්ම සෘතුවේ සාමාන්‍ය උෂ්නත්වය පැ.700ක් පමණ වේ. එහෙත් ශීත සෘතුවේ දී සාමාන්‍ය උෂ්ණත්වය පැ.200කි. වැඩි ම වර්ෂාපතනය ලැබෙනුයේ ග්‍රීෂ්ම සෘතුව අග භාගයේදී ය. වැඩි වශයෙන් තැනිතලා පෙදෙසක් වන සාරවත් මෙම නිම්නයෙහි කෘෂිකර්මය බොහෝ දියුණුය. වනගත කඳුකර පෙදෙස්වල දැව හා සියුම් ලොම් කර්මාන්තය කරනු ලැබේ. අමූර් ගඟේ අතු ගංගාවක් වන සෙයියා ගං නිම්නය රන් ආකර නිසා ප්‍රසිද්ධියක් ලබා ඇත. ගල් අඟුරු, යකඩ හා ඇන්ටිමනි මේ පෙදෙස් ලැබෙන වෙනත් ඛනිජ වර්ගය.

බ්ලාගෝවෙෂ්වෙන්ස්ක්, අමූර් ප්‍රාන්තයේ ප්‍රධාන නගරය වේ. ට්‍රාන්ස්-සයිබිරියානු දුම්රිය මාර්ගය මේ පෙදෙස ඔස්සේ වැටී ඇති අතර න් ශාඛාවක් බ්ලාගෝවෙෂ්චෙන්ස්ක් දක්වා දිවෙයි.

1847 පටන් රුසියන් ජාතිකයින් විසින් ජනාවාස කර ගනු ලැබූ මෙම ප්‍රාන්තය 1860 දී චීනය විසින් රුසියාවට පවරන ලදී. මෙහි වර්තමාන ජනගහනයෙන් වැඩි කොටස රුසියන් ජාතිකයින් වන අතර, චීන, ගෝල්ඩි හා එවන්ති ජාතිකයෝ ද මෙහි වෙති.

අමූර් ප්‍රාන්තයේ ජනගහනය (1956) 7,50,000 ක් පමණ වේ. මෙයින් හාරලක්ෂයකට අධික සංඛ්‍යාවක් නගරබදව වෙසෙති.

(සංස්කරණය:1963)