"ඇක්රොපොලිස්" හි සංශෝධන අතර වෙනස්කම්

15:46, 19 ජූලි 2023 වන විට නවතම සංශෝධනය

පුරාණ ග්‍රීක නගරයන්හි හෝ ඒ නගරාසන්නව පිහිටි ස්වාභාවික හෙලක හෝ කෘත්‍රිම වශයෙන් උසට ගොඩ කර ගන්නා ලද බිමක සාදනු ලැබූ බලකොටුවක් ඇක්රොපොලිස් නම් විය. ඇතන්ස්, ආගොස්, කොරින්ත්, තීබ්ස් ආදි ග්‍රීක පුරවරයන්හි මෙනම් වූ නගරාංගයක් තිබුණු නමුත් ඇක්රොපොලිස් යන නාමයෙන් වඩා ප්‍රසිද්ධ වූයේත් ඒ නිසාම ස්ථාන නාමයක් බවට පත් වූයේත් ඇතන්ස්හි පිහිටි ඇක්රොපොලිස්ය. වත්මන් ඇතන්ස් නුවර වයඹ දිග කෙළවර පිහිටි ඇක්රොපොලිස් මුහුදු මට්ටමේ සිට අඩි 512ක් උස, හුනුගලින් සෑදුණු හෙලකි. ඇක්රොපොලිස්හි දිග අඩි 1150ක් පමණ වූත් පළල අඩි 500ක් පමණ වූත් අණ්ඩාකාර මුදුන ක්‍රි.පූ. 4000 පටන්ම ජනාවාසව පැවැත්තේය. ඇතන්ස්හි ඇක්රොපොලිස් බලකොටුවක් පමණක් නොව ඇතිනි දෙව්දුවට කැප කරන ලද පූජනීය ස්ථානයක් ද විය.

(සංස්කරණය:1967)