"ඩිලයිලා" හි සංශෝධන අතර වෙනස්කම්

09:00, 11 ජනවාරි 2024 වන විට නවතම සංශෝධනය

(Delilah). බයිබලයේ සදහන් කථා පුවතක කථානායිකාව වූ මැය යුදෙව් වීරයෙකු වූ සැම්සන්ගේ (Samson) ඉතාමත් ප්‍රිය වූ පිලිස්ටීන් ජාතික අග මෙහෙසියයි. මොවුන් දෙදෙනාගේ ප්‍රේම සම්බන්ධය ඉතා ජනප්‍රිය වෘත්තාන්තයක් විය. සැම්සන්ගේ අනගිභවනීය ශ්‍රෙෂ්ඨත්වයේ රහස සොයා ගැනීමට පිලිස්ටීන් නායකයන් දැරූ සියලු උත්සාහයන් නිෂ්ඵල වූ පසු ඩිලයිලාගේ හිත දිනා ගැනීමෙන් එම කාර්ය ඉටු කරවා ගැනීමට ඔවුහූ වෙර දැරූහ. ඒ සදහා ඩිලයිලාට අල්ලස් දීමට ඔහු එකඟ වූහ.

ස්වකීය ප්‍රේමවන්තයාට ද්‍රෝහී වූ ඇය ඔහුගේ සිත මුළුමුනින් ම ඇඳ ගැනීමෙන් පසු ඔහුගේ අනගිභවනීයත්වයේ රහස ඇයගේ දැන ගැනීම සඳහා පවසන මෙන් ඉල්ලා සිටියා ය. එය නොවළහා ඉටු කළ ඔහු තම ශ්‍රේෂ්ඨත්වයේ රහස තම කෙස් වැටිය බව පැවසීය. සතුරන්ගේ අල්ලසට රැවටුණු ඇය තම ප්‍රේමවන්තයා නින්දට වන් කල්හි කෙස් වැටිය කපා දැමීමට පිලස්ටීන ජාතිකයෙකුට අවස්ථාව ලබා දුන්නා ය. සැම්සන් අධිරාජ්‍යයේ බල මහිමය සුන් විය. ඔහු සතුරන් අතට පත් වී අන්ධභාවයට පත්කරනු ලැබුවා පමණක් නොව වහළෙකු මෙන් අනේක වධ විඳීමට සිදුවිය. එතැන් පටන් ද්‍රෝහී ප්‍රේමවන්තියකු ලෙස ඩිලයිලා හැඳින්වීම හේතු කොට ගෙන සැම්සන් - ඩිලයිලා කථා පුවත ශ්‍රේෂ්ඨ සාහිත්‍ය කෘතිවලට පවා වස්තු බීජය වී ඇත.

(කර්තෘ: පණ්ඩුල ඇඳගම: 1993)

(සංස්කරණය නොකළ)