"හෙජීරා" හි සංශෝධන අතර වෙනස්කම්

18:48, 25 ජනවාරි 2024 වන විට නවතම සංශෝධනය

(Hijrah or Hijra). නිකුත් වීම, පළා යාම යන අරුත් දෙන අරාබි වචනයකි. ක්‍රි.ව. 622 ජූලි 16 වැනි සිකුරාදා (සැප්තැම්බර් 13?) මොහෙමඩ් නබිතුමා මැකා නුවර සිට මදීනා නගරයට පලා යාම ‘හෙජීරා’ නම් වේ. මහම්මත් නබිතුමා සිය රටේ පැවති පරම්පරායාත ආගමික චාරිත්‍රයන්ගෙන් අරාබි ජනකාය මුක්ත කොට නව ඊශ්වරවාදයෙක ඔවුන් පිහිටුවන්නට තැත් කළ විට එතුමාට දැඩි විරුද්ධතාවයකට මුහුණු දීමට සිදු විය. ජීවිතය පවා අනතුරුදායක වූ හෙයින් ස්වකීය ජන්ම නගරය වන මක්කම (මැකා) අතහැර මදීනාවට පලා ගියේ ය.

මුස්ලිම්වරුන්ගේ අවුරුද්ද ආරම්භ වන්නේ මෙසේ පලා ගිය දිනය මුල් කර ගෙන ය. ඕමාර් කාලිප්වරයා විසින් 639/640 දී පමණ මෙම වර්ෂ ක්‍රමය පිහිටුවනු ලැබී ය. මෙම වර්ෂය චන්ද්‍රමානයෙන් ගැනෙන්නකි. එය දැනට සම්මත ගිරිගෝරිය වර්ෂ දින 10යි පැය 21යි, තත්පර 14, 2/5ක් අඩු බව සැළකේ.

(කර්තෘ: පණ්ඩුල ඇඳගම: 1969)

(සංස්කරණය නොකළ)