"ඩෝරි-1" හි සංශෝධන අතර වෙනස්කම්

15:05, 12 පෙබරවාරි 2024 වන විට නවතම සංශෝධනය

(Dory) ජෝන් ඩෝරි යනුවෙන් ද හැඳින්වෙන මත්ස්‍ය විශේෂයකි. සොයිෆෝමේස් (Zeiformes) ගෝත්‍රය යටතේ වර්ග කෙරෙන, සෙයිඩේ (Zeadae) මත්ස්‍ය කුලයට අයත් මත්ස්‍යයනට ව්‍යවහාර කෙරෙන පොදු නමයි. ලොව පුරා ම පාහේ තරමක් ගැඹුරු මුහුදු ජලයෙහි මොවුහු ජීවත් වෙති. විශාල මුඛයක් සහිත වන මෙම මසුන්ගේ ශරීරය පළල් ය. එහි පැත්තෙන් පැත්ත තුනී වී ඇත. සෙවුස් ෆාබර් (Zeus Faber) වනාහි වඩාත් ම හොඳින් දැක ඇති ඩෝරි මත්ස්‍ය විශේෂයකි. ආහාරය පිණිස ගනු ලබන මෙම මත්ස්‍යයා අත්ලාන්තික් හා මධ්‍යධරණී මුහුදේ දක්නට ලැබේ. වෙරළේ සිට මී.200ක් පමණ දක්වා ගැඹුරු ජලයේ මොවුහු වාසය කරති. මේ මත්ස්‍යා දිගින් සෙමී.90ක් පමණ දක්වා වැඩේ. ශරීරය අළුපාට ය. ශරීරය දෙපැත්තේ කහ පාට වලයකින් වට වූ නිශ්චිත කළු ලපයක් බැගින් වෙයි. දිග ශ්‍රෝණි වරල් ඇත. පෘෂ්ඨීය වරල්වල සූත්‍රිකාමය කණ්ඩක ඇත. බඩමත දිගටත් පෘෂ්ඨීය හා වරල්වල පාදස්ථයෙන් කණ්ඩක පේළි වශයෙන් පිහිටා ඇත.

(කර්තෘ: ජයන්ති පින්නගොඩ)

(සංස්කරණය නොකළ)