"නාම්බා" හි සංශෝධන අතර වෙනස්කම්

11:01, 28 පෙබරවාරි 2024 වන විට නවතම සංශෝධනය

(Angelfish). ඒන්ජල් මාලුවා හෙවත් අසර මස්සා යනුවෙන් ද හැඳින්වෙන මේ මත්ස්‍යයා, පිස්කේස් (pisces) වර්ගයට ඇතුළත් පෙර්සිෆෝමේස් (perciformes) ගෝත්‍රයට අයත් ය. නිවෙස්වල මාළු ටැංකි (ජලාල) තුළ සුරතලයට ඇති කරනු ලබන මත්ස්‍ය විශේෂයකි. මේ මත්ස්‍යයාගේ ශරීරය, තුනී ය, පැතැලි ය, ඉලිප්සාකාර සිට රොම්බසීය හැඩයක් ගනී. දිගින් සෙන්ටි මීටර 15ක් තරම් දක්වා වැඩෙන විශේෂ ඇත. බෙහෙවින් දිගටි පෘෂ්ඨිය, පෞචිජ හා ශ්‍රෝණි වරල් ඇත. සාමාන්‍යයෙන් රිදීවන් පැහැති ය. ඇතැම් විශේෂ දීප්තිමත් වර්ණයෙන් යුක්ත ය. ඇතැම් විශේෂවල දේහයේ තිරස්ව විහිදුණු තද කළු හෝ කළුවන් වයිරම් වැටුණු ස්වභාවයෙක් ඇත. බොහෝ විශේෂ කරදියෙහි ජීවත් වන අතර මිරිදිය විශේෂ එකක් පමණක් දැන ඇත. නිවර්තන මුහුදුවල කොරල්පර අතර මොවුන් බහුල ව දක්නට ලැබේ.

මොවුන්ගේ මුඛය කුඩා ය. සිරුර, කුඩා රළු කොරලවලින් ආවරණය වී පවතී. ඇල්ගී පැළෑටි හා කුඩා අපෘෂ්ඨවංශී සතුන් මොවුන්ගේ ආහාරය වේ. ඇතැම් විශේෂ අන්වීක්ෂීය තරමේ ශාකවලින් හා සතුන්ගෙන් සමන්විත වූ ප්ලවාංගය ආහාරයට ගනී.

සුරතලයට ඇති කරනු ලබන වර්ණවත් නාම්බන් මිරිදිය විශේෂයකි. දකුණු ඇමෙරිකාවේ ඇමේසන් ගංගාවට දේශීය වූ මේ විශේෂය සික්ලිඩේ (cichlidae) කුලයට අයත් වේ. පෙරොෆිල්ලුම් ස්නලාරෙ (pherophylum scalave) නමැති සත්ත්ව විද්‍යාත්මක නමින් හැඳින්වේ. මුහුදු නාම්බන් පොමකන්තිඩේ (pomacanthidae) කුලයට අයත් වේ. (රූප සටහන්)

(සංස්කරණය නොකළ)