"අවිස්සාවේල්ල" හි සංශෝධන අතර වෙනස්කම්

13:26, 29 පෙබරවාරි 2024 වන විට නවතම සංශෝධනය

අවිස්සාවේල්ල, බස්නාහිර පළාතේ නැගෙනහිර මායිමට නුදුරුව හේවාගම් කෝරළයෙහි පිහිටි කුඩා නගරයකි. මෙය වර්ග සැතැපුම් 1,1/4ක් පමණ විශාලය. පළාත් ආණ්ඩු සභාවක් මගින් පාලනය වේ. කැලණි නිම්න දුම්රිය මාර්ගයේ නැවතුම්පළක් වන මෙය කොළඹ සිට දුම්රිය මාර්ගය ඔස්සේ සැතැප්ම 36ක් නැගෙනහිරින් පිහිටියේය. රත්නපුරය, කොළඹ, කෑගල්ල, නාවලපිටිය ආදි නගර සමඟ ප්‍රධාන මාර්ගවලින් සම්බන්ධ වී ඇති හෙයින් අවිස්සාවේල්ල සැලකිය යුතු නගරයක් වී තිබේ. කැලණි ගංගා නිම්නයේ දියළු පසින් සහ නයිස් පාෂාණ දිරායෑමෙන් ඇතිවී තිබෙන රතු පසින් ද යුත් ඉතා සාරවත් ප්‍රදේශයක් මේ අවට පවතී.එහි තේ සහ රබර් වතු බහුලය; සැපදායක කාලගුණයක් ඇත්තේය; ජනගහනය (1955) 3,195කි. අවිස්සාවේල්ල පුරාණ සීතාවක (බ.) රාජධානියට අයත්ය.

(සංස්කරණය: 1965)