"දොඩන්දූවේ ශෛලබිම්බාරාමය" හි සංශෝධන අතර වෙනස්කම්

07:08, 11 මාර්තු 2024 වන විට නවතම සංශෝධනය

කල්‍යාණ වංශ (අමරපුර) නිකායට අයත් පැරණි වැදගත් සිද්ධස්ථානයකි. දකුණු පළාතේ දොඩන්දූවේ පිහිටියේ ය. දොඩන්දූව පැරණි නැව් තොටකි. පූර්වොක්ත නිකාය ආරම්භ කළ කතළුවේ ගුණරතන තිස්ස නා හිමි උපසම්පදාව ලබාගනු පිණිස බුරුමය බලා නැව් නැග්ගෙත් ආපසු පැමිණියේ මේ වරායෙනි. ශෛලබිම්බාරාමය පිහිටා ඇත්තේ මුහුදු වෙරළට ආසන්න ව ය. බෞද්ධ විහාරස්ථානයකට අයත් අංගෝපාංගයන්ගෙන් අනූන මෙම විහාරස්ථානයෙහි විශේෂ තැනක් හිමි වන්නේ ඉන්දියාවේ කාවේරි පට්ටනමේ සිට ගෙනැවිත් තැන්පත් කොට ඇති කළුගලින් නෙලූ බුදු පිළිමයයි. මහත් දුෂ්කරතා මැද එම පිළිමය පඩව්වක ආධාරයෙන් මුහුද ඔස්සේ ගෙනවුත් විශේෂ විහාර මන්දිරයක තැන්පත් කරනු ලැබුයේ බු.ව. 2380 (ක්‍රි.ව. 1837) දී ය. එවකට කාවේරි පට්ටනම පෙදෙසේ පාලකයෝ ප්‍රංශ නිලධාරීහු ය. ඔවුන්ගේ අවසරය ඇති ව පිළිමය ලංකාවට ගෙන ඒම පිණිස එවක තත් විහාරාධිපති වූ කොක්ගල ධම්මසාර නාහිමියෝ මූලික වූහ.

(කර්තෘ: හපුගොඩ සුමනතිස්ස ස්ථවිර)

(සංස්කරණය නොකළ)