"දාස්වන්ත්" හි සංශෝධන අතර වෙනස්කම්

12:15, 16 අප්‍රේල් 2024 වන විට නවතම සංශෝධනය

(Daswanth or Dasavant). 16 වන සියවසේ දී ඉන්දියාවේ මෝගල් අධිරාජ්‍ය සමයේ වැජඹුණු හින්දු භක්තික ශිල්පියෙකි. රාජකීය චිත්‍ර ශිල්පියෙකු වීමට තරම් සුදුසු උසස් පවුලක උපත ලැබීමේ වාසනාව ඔහුට නොලැබුණ ද චිත්‍ර කර්මය කෙරෙහි ඔහු තුළ වූ කුසලතාව දුටු මෝගල් අධිරාජයා වූ මහා අක්බාර් රජතුමා දාස්වන්ත් තම රාජකීය චිත්‍ර ශිල්පියා වූ අබ්ද් අල් සමාද්ගේ භාරකාරත්වයට පත් කොට චිත්‍රශිල්පය පුහුණු කරවී ය. පසුව හේ අනෙකුත් චිත්‍ර ශිල්පීන් අභිබවා ඒ යුගයේ දක්ෂතම චිත්‍ර ශිල්පියා බවට පත්විය. එහෙත් ඔහුගේ දක්ෂතාවන් උමතුභාවය නිසා හීන වී ගියේ ය.

මොහු අතින් නිර්මාණය වූ සිතුවම් කිසිවක් දැනට ශේෂව නොමැත. එවකට පැවැති සම්ප්‍රදායට අනුව හේ අනෙකුත් රාජකීය චිත්‍ර ශිල්පීන් හා එක්ව ජායි පූර්හි රසම් නමා (RAZM NAMA), බන්කිපූර්හි ටිමූර්නමා වැනි අක්බාර් රජතුමාගේ ශිල්පායතනවල චිත්‍ර ශිල්පියකු ලෙස සේවය කෙළේ ය.

(කර්තෘ: ජී.එච්. ආරියසේන)

(සංස්කරණය නොකළ)