"ආකට්ටි මුරිප්පු වැව" හි සංශෝධන අතර වෙනස්කම්

12:45, 3 ජූලි 2024 වන විට නවතම සංශෝධනය

මන්නාරම් දිස්ත්‍රික්කයට අයත් ආකට්ටිමුරිප්පු වැව යෝධ වැවට දකුණින් මල්වතු ඔයේ වම් ඉවුරේ පිහිටා තිබෙන නොගැඹුරු වැවකි. යෝධ වැවට වඩා පැරණිකමින් අඩු වූ මෙම වැව නිර්මාණය අතින් යෝධ වැව හැරෙන්නට ලංකාවේ අනික් පැරණි වැව්වලට වඩා වෙනස් වේ. කඳු ආදියෙන් තොර තැනිතලා බිම් පෙදෙසකට යෝග්‍ය වන සේ මෙය තනා ඇත. වැව් කණ්ඩියේ වර්තමාන දිග ප්‍රමාණය සැතැපුම් 4½කි. වැව් බැම්මෙහි සමහර තැන් අඩි 150ක් පමණ පළලය. එහෙත් සමහර තැන් අඩි 50කට වඩා පළල නැත. සාමාන්‍යයෙන් අඩි 3කට වඩා වැව් කණ්ඩිය උස නැත. එහෙත් සමහර තැන්හි අඩි 5ක් පමණ උසය. මෙම වැව හැතැපුම් 6ක් දිග ඇළකින් කල්ආරුවට ද සැතැපුම් 20ක් දිගැති ඇළකින් මල්වතු ඔයට ද සම්බන්ධ වී ඇත. මෙය වූකලි වැඩ නිමකර නැති වැවකැයි බ්‍රෝහියර් මහතා පවසයි. මෙම පෙදෙස මහ ගංවතුරකට යටවීමෙන් වැව තැනීමෙහි වැඩ අත්හිටවන්නට සිදුවූයේ යයි ආකට්ටි (වෘක්ෂය) මුරිප්පු (බිඳුණු) යන පද සාධක කොට ගෙන සමහරෙක් කල්පනා කරති.

(සංස්කරණය: 1965)