"ආගොන්" හි සංශෝධන අතර වෙනස්කම්

23:34, 8 ජූලි 2024 වන විට නවතම සංශෝධනය

(Argonne). ඊශාන දිග ප්‍රංසයේ මියුස්, ආඩෙන් සහ මාර්න් යන පළාත්වල පිහිටි වනාන්තරවලින් වැසී ඇති සානුවකි. වර්ග සැතපුම් 400ක් පමණ විශාල වූ එහි සාමාන්‍ය උස අඩි 1,150කි. සානුවෙහි බෑවුම් මොහොර සහිත හෙයින් ගමනාගමනය ඉතා දුෂ්කරය. එයර් ගඟ සහ එහි අතුගංගා නිසා මේ සානුව කොටස්වලට බෙදී පවතී. 1870 පැවති ප්‍රංස-ප්‍රසියානු යුද්ධයේ දී ආගොන් සානුව වැදගත් සටන් බිමක් විය. 1918 දී 1 වැනි ලෝක සංග්‍රාම සමයේ දී ඇති වූ මියුස්-ආගොන් අරගළයේ දී ප්‍රංස ඇමෙරිකානු හමුදාවෝ ජර්මනුන් පරදවා මෙහි බලය අල්ලා ගත්හ. 1940 දෙවන ලෝක සංග්‍රාමයේ දී ජර්මන් හමුදා ආගොන් ප්‍රදේශය අයත් කරගත් නමුත් 1944 දී ඇමෙරිකානු හමුදාවෝ එය නැවතත් පැහැර ගත්හ.

(සංස්කරණය: 1965)