"ආපිශලි" හි සංශෝධන අතර වෙනස්කම්

08:14, 10 ජූලි 2024 වන විට නවතම සංශෝධනය

පාණිනී ආචාර්යයවරයා ජීවත්ව සිටි සමයට පූර්වයෙහි විසූ ශාබ්දිකයෙකි. ක්‍රිස්තු පූර්ව තුන්වන ශතවර්ෂය පාණිනී ජීවත්ව සිටි කාලය හැටියට අනුමාන වශයෙන් සලකනු ලැබේ. ආපිශලිගේ ග්‍රන්ථ අභාවයට ගොස් ඇති බැවින් ඒවා පිළිබඳ තොරතුරු සොයා ගැනීම දුෂ්කර වුව ද පශ්චාත් සමයෙහි විසූ පාණිනී ආදි ග්‍රන්ථ කර්තෘවරයන් කීපදෙනකුන් ම ඔහු ගැන සඳහන් කර තිබේ. ක්‍රිස්තු වර්ෂයෙන් එකොළොස් වන ශතවර්ෂයේ විසූ උජ්ජ්වාල දත්ත ද තමා විසින් කරන ලද උණාදි සූත්‍ර වෘත්තියෙහි ආපිශලි ගැන සඳහන් කරයි. දොළොස්වන ශත වර්ෂයේ දී දේවගිරි ප්‍රදේශයෙහි විසූ වෝපදේවයන් විසින් විරචිත කවිකල්පද්‍රැම (ධාතුපාඨ)යෙහි සඳහන් වන ආදිශාබ්දිකයන් අටදෙනාගෙන් ආපිශලි ද කෙනෙකි.

(සංස්කරණය: 1965)