"අල්පොන්සු-I (හැන්රිකස්)" හි සංශෝධන අතර වෙනස්කම්

09:45, 18 ජූලි 2024 වන විට නවතම සංශෝධනය

(1109-1185). පෘතුගාලය නිදහස් රටක් බවට පත්වීමෙන් පසු එය පාලනය කළ ප්‍රථම ප්‍රතිකාල් රජය. රජ බවට පත්වීමට පෙර හේ පෘතුගාලයේ සිටු (කවුන්ට්) පදවියක් දැරීය. මොහුගේ පියා පෘතුගාලයේ ප්‍රථම කවුන්ට් පදවිය දැරූ බ'ගන්ඩිහි හැන්රිය. මව ස්පාඤ්ඤයේ තෙරේසාය. කුඩා වියේ දී ම පියා මිය ගියෙන් ක්‍රි.ව. 1112 දී පමණ පියාගේ තනතුරට මෙතෙමේ පත් විය. එහෙත් මොහු බාල වයස්කාරයකු වූ බැවින් නියම පාලන බලය පැවරුණේ මොහුගේ මවටය. ක්‍රි.ව. 1128 දී පමණ මවගේ ආධිපත්‍යයෙන් මිදුණු හේ ක්‍රි.ව. 1139 දී පමණ ලියොන් රාජ්‍යයේ ආධිපත්‍යයෙන් ද මිදී පෘතුගාලය නිදහස් රාජ්‍යයක් බවට පත් කළේය. ඉන්පසු ක්‍රි.ව. 1140 දී පෘතුගාලයේ පළමුවන නිදහස් රජු හැටියට අභිෂේක කරනු ලැබීය. අල්පොන්සු රජ මුස්ලිම්වරුන් හා යුද්ධ කොට ක්‍රි.ව. 1146 දී සැන්තරම් නගරයත් 1147 දී ලිස්බන් නගරයත් උදුරාගති. ක්‍රි.ව. 1179 දී තුන්වන ඇලෙක්සැන්ඩර් පාප්තුමා විසින් අල්පොන්සු රජුගේ රජකම පිළිබඳ අයිතියත්, ඔහුගේ විජිතයේ දේශපාලන නිදහසක් පිළිගන්නා ලදි. අල්පොන්සු රජු 1185 දී මිය යන විට ඔහුගේ ආධිපත්‍යය මොන්ඩේගෝහි සිට තාගුස් නදිය දක්වා ම පැතිර පැවැත්තේය. උසස් චරිතයත් පෘතුගාල් රාජ්‍යය නිදහස් කර ගැනීමත් සලකා පෘතුගීසීහු අල්පෝන්සු රජු ශාන්තුවරයකු ලෙස සලකති.

(සංස්කරණය: 1965)