"සෙරෆින් හා හවාකීන් අල්වාරේස් කීන්තේරෝ" හි සංශෝධන අතර වෙනස්කම්

10:24, 19 ජූලි 2024 වන විට නවතම සංශෝධනය

සෙරපින් (1871–1938) හා හවාකීන් (1873–1943) අල්වාරේස් කීන්තේත්රෝ යනුවෙන් හැඳින්වුණු ස්පාඤ්ඤ ජාතික දෘශ්‍යකාව්‍ය කර්තෘන් දෙදෙනා එකකුස උපන් සොහොයුරෝය. මොවුන් උපන්නේ සෙවිල් පළාතේ උත්‍රෙරා ප්‍රදේශයේය. මොවුන් අධ්‍යාපනය ලැබුයේ ද එම පළාතේය. මේ සොහොයුරන් දෙදෙන ස්පාඤ්ඤ ජීවිතය, විශේෂයෙන් ම එරට මධ්‍යම පන්තියේ ජීවිතය, අළලා රචනා කළ දෘශ්‍යකාව්‍ය රාශියක් හවුරුදු සතලිසක් පමණ ස්පාඤ්ඤයේ මහජනයා පිනවීමෙහි සමත් වූ බව කියති. මේ හැම දෘශ්‍ය කාව්‍යයක් ම ලියා ඇත්තේ දෙදෙනාගේ සහයෝගයෙනි. මොවුන්ගේ සමහර නාට්‍ය හාස්‍ය රසයෙන් පිරී තිබුණු අතර සමහරක් ශෝකාන්ත නාට්‍ය විය. ගීතවත් භාෂාවක් නැතහොත් කාව්‍ය භාෂාවක් දෘශ්‍යකාව්‍යයට අනුරූප කොට දීම මොවුන් ස්පාඤ්ඤ නාට්‍ය කලාවට කළ විශාල ම සේවය වශයෙන් සැලකේ. මොවුන්ගේ මේ සේවයට ගරු කිරීමක් වශයෙන් ක්‍රි.ව. 1922 දී මේ දෙදෙනාට ම ස්පාඤ්ඤ විද්‍යා පරිෂදයෙහි සාමාජිකත්වය පිරිනමන ලදි.

ස්පාඤ්ඤ නාට්‍ය කලාවට නව ජීවනයක් ලබා දෙමින් ජීවත් වූ සෙරෆින් අල්වාරේස් කින්තේරෝ 1938 ජනවාරි මස 12 වනදා ද හවාකින් අල්වාරේස් කීන්තේරෝ 1944 ජූලි මස 14 වන දා ද මැඩ්රිඩ් නගරයේ දී මිය ගියහ.

(සංස්කරණය: 1965)