"ටසර්" හි සංශෝධන අතර වෙනස්කම්

09:47, 2 දෙසැම්බර් 2024 වන විට නවතම සංශෝධනය

(Tussar). සේද නිපදවීම පිණිස භාවිත කෙරෙන පණුවා හැඳින්වෙන නාමයයි. ටුෂර්, ටුසර් හෝ කෝසා ලෙස ද මෙම පණුවා හැඳින්වේ. ඇන්තීරියා මයිලිටා (Antheraea mylitta) හා ඇන්තීරියා ප්‍රොයිලි (Antheraea proylei) යනුවෙන් විද්‍යාත්මක ව හැඳින්වෙන ටසර් පණු විශේෂ දෙකකි. දකුණු ආසියාවේ වනාන්තර හා ගම්මානයන්හි වැඩෙන ශාක වර්ග කිහිපයක් මත මොවුහු ජීවත් වෙති. ටසර් සේද කර්මාන්තයේ දී මෙම පණුවන් පිළභවනය වී ඇති කෝෂ ගලවා හිරු එළියේ හොඳින් වියළා ගන්නේ අභ්‍යන්තරයේ වූ පණුවා මැරීම සඳහා ය. ඉන් පසු කෝෂ නටන වතුරේ ගිල්වීම මගින් මෘදු තත්ත්වයට පත් කරගනු ලැබේ.

ටසර් සේද වගා කොට ලබාගන්නා සේදවලට වඩා අතිශය සිනිඳු වන නමුත් ඉන් ලැබෙන සූත්‍රිකා දිගින් අඩු ය. එමනිසා එම සේද, කල්පැවැත්මෙන් අඩු ය. ලා රන්වන් දිස්නයක් ටසර් සේදවලට ආවේණික ය.

(කර්තෘ: ජයන්ත වත්තවිදානගේ)

(සංස්කරණය: 2019)