"ආල්බ’ග්" හි සංශෝධන අතර වෙනස්කම්

14:57, 4 දෙසැම්බර් 2024 වන විට නවතම සංශෝධනය

(Arlberg). නිරිත දිග ඕස්ට්‍රියාවේ රොසිනා සහ ඇල්ෆ‍ෙන්ට්ස් ගංගාවන්හි දියබෙත්ම අනුව ද ටිරෝල්-ෆෝරාල්බර්ග් දේශසීමාව ආශ්‍රිතව ද ආල්බ’ග් ඇල්ප්ස් නම් කඳුවැටිය හරහා වැටී ඇති දුර්ග මාර්ගයකි. මේ අසලම පිහිටි ආල්බ’ග් ශිඛරයෙහි උස අඩි 5,912කි. මේ දුර්ගමාර්ගය රෝම අධිරාජ්‍ය සමයේ දී ප්‍රයෝජනයට ගත් බවට සාක්ෂි විරල වුවත් 945 දී ඉතාලියේ දෙවැනි බෙරිංගර් නමැත්තා ස්වෝබියා සටනින් පසු ඉතාලියට පැමිණෙද්දී ආල්බ’ග් දුර්ගය ඔස්සේ පැමිණි බව දැනගෙන තිබේ. 1309 දී මේ දුර්ගය ඔස්සේ තවලම් මාර්ගයක් විය. 1499 දී සහ 1632 දී ආල්බ’ග් මාර්ගය ප්‍රතිසංස්කරණය කරනු ලැබූ නමුත් දැනට පවත්නා මාර්ගය තනන ලද්දේ 1785 දීය. 1884 දි බ්ලූඩෙන්ටීස් සහ ලාන්ඩෙක් නගර අතර ආල්බ’ග් ඔස්සේ යොදන ලද දුම්රිය මාර්ගය සඳහා සැතපුම් 6,1/4ක් දිග බිංගෙයක් කැණ තිබේ.

(සංස්කරණය: 1965)