"ටාරික් ඉබ්න් සියාද්" හි සංශෝධන අතර වෙනස්කම්

09:41, 20 දෙසැම්බර් 2024 වන විට නවතම සංශෝධනය

(Tarik ibn Ziyad). බර්බර් (Berber) වාර්ගික ඉස්ලාම් භක්තික ජනරාල්වරයෙකි. ස්පාඤ්ඤයේ මුස්ලිම්වරුන්ගේ ආධිපත්‍යය ආරම්භ කළ තැනැත්තා සේ සැලකෙන්නේ මොහු ය.

ස්පාඤ්ඤයේ විසිගොත් රජෙකු වූ විට්සාගේ (Witiza) ඇවෑමෙන් බලග්‍රාහකයකු වූ රොඩරික් (Roderick) විසින් රාජ්‍යය නතුකර ගන්නා ලදි. රාජ්‍යයෙහි උරුමකරුවෝ බලය යළි ලබාගනු වස් උතුරු අප්‍රිකාවේ මුස්ලිම්වරුන්ගෙන් ආධාර ඉල්ලූහ. ක්‍රි.ව. 711 දී අප්‍රිකාවේ සිට ජිබ්‍රෝල්ටාවට පැමිණි ටාරික් සටන් මෙහෙයවා ග්වාදාලේටෙ සටනින් (Battle of Guadalete) රොඩරික් පැරදවූයේ ය.

විට්සාගේ අනුප්‍රාප්තිකයන්ට රාජ්‍යය ලබාදෙනු වෙනුවට අප්‍රිකාවෙන් තවත් ආධාර ගෙන්වාගත් හේ ඊළඟ අවුරුදු කිහිපය තුළ දී අයිබීරියන් අර්ධද්වීපයේ වැඩි කොටසක් සිය අණසකට නතුකර ගත්තේ ය. මෙලෙසින් ස්පාඤ්ඤයේ ආරම්භ වූ මුස්ලිම් ආධිපත්‍යය 1492 තෙක් පැවතුණි.

ජිබ්‍රෝල්ටාව මුල දී හැඳින්වූයේ ද ටාරික්ගේ කන්ද යන අරුතැති රේබාල් අල්ටාරික් නමිනි.

(කර්තෘ: අජන්තා සී. දයාරත්න)

(සංස්කරණය: 2019)