"ඊජියන් මුහුද" හි සංශෝධන අතර වෙනස්කම්

14:17, 25 ජූනි 2025 වන විට නවතම සංශෝධනය

ග්‍රීසිය සහ සුළු ආසියාව අතරින් උතුරුදිගට විහිදෙන මධ්‍යධරණී මුහුදු කොටස මෙනමි. දකුණින් එය කෂිතිරා, ක්‍රීට්, කාර්පාතොස් සහ රෝඩ්ස් යන දිවයින්වලින් සීමා වෙයි. ඩාඩනල්ස් හා බොස්පොරස් සමුද්‍රසන්ධි ඔස්සේ කළු මුහුදට සම්බන්ධ වී ඇති මෙහි සාමාන්‍ය දිග සැ. 400කි; පළල සැ. 175කි. භූ චලනයන්ට භාජන වී ඇති ප්‍රදේශයක් හෙයින් මෙහි දූපත් බොහෝය (ඊජියන් දූපත් බ.) වෙරළ ඉතා කඩතොලු සහිතය. මුහුදේ ඇතැම් තැන් ගැඹුරින් අඩි 7,000 ඉක්මවයි; බොහෝ තැන් අඩි 4,000කට වඩා ගැඹුරුය. මූදු හතු, මසුන් හා හිරිගල් මේ මුහුදින් ලබා ගන්නා ප්‍රධාන දේයි.

(සංස්කරණය: 1970)