අකන්තොසෙෆලා
සිංහල විශ්වකෝෂය වෙතින්
වැඩුණු පණුවාගේ ශරීර භිත්තිය බාහිර උච්චර්මයකින් (cuticle) ද අපිචර්මයකින් (epidermis) ද දික් අතට සහ හරස් අතට වැටුණු පේශි ස්තරද්වයකින් ද සමන්විතය. ඌට ස්නායු පද්ධතියක් යම්තමින් පිහිටා ඇතත් ආහාර මාර්‍ගයක් නැත. සොඬ දිගු කරවන පේශි ද ලිංගේන්ද්‍රිය ද සොඬ මුල පිහිටි මඩි වැනි ග්‍රන්ථි දෙකක් ද ශරීරය තුළ තිබේ.
අකන්තොසෙෆලයන් වට පණුවන්ගේ (වට පණුවා) (බ.) ප්‍රභේදයක් සේ සමහරු සලකති. එහෙත් ව්‍යූහය, විකසනය සහ ධාරකයාට ඇති සම්බන්ධය අතින් අභ්‍යන්තර පර‍පෝෂී පැතලි පණුවන්ට සමාන බවක් පෙනේ. එසේ ම උන්ට ම විශේෂ වූ සමහර ගුණ ද ඇත්තේය. මේ හේතුකොට උන් අකන්තොසෙෆලා නමැති ස්වාධීන වංශයක් (phylum) සේ ද සමහරු සලකති.
(සංස්කරණය: 1963)
