ඇරෝ

(Arrow). කැනඩාවේ බ්‍රිතාන්‍ය කොලම්බියාවෙහි කොලම්බියා ගඟ පුළුල් වීමෙන් සෑදී ඇති විල් දෙකක් මෙනමින් හැඳින්වේ. ස්ලෝකන් හා මොනැෂි කඳු අතර වූ පටු නිම්නයක පිහිටි මේ විල් ඉහළ ඇරෝ විල හා පහළ ඇරෝ විල යනුවෙන් වෙන් වෙන්ව හැඳින්වේ. උත්තර අක්ෂාංශ 50°.30′ හා බටහිර දේශාංශ 117°.50′ ආශ්‍රිතව පිහිටි ඉහළ ඇරෝ විල සාමාන්‍යයෙන් සැ. 36ක් පමණ දිගය; සැ. 2ක් පමණ පළලය. උත්තර අක්ෂාංශ 49°.40′ හා බටහිර දේශාංශ 118°.5′ ආශ්‍රිතව පිහිටි පහළ ඇරෝ විල සැ. 51ක් දිගය; සැ. 1,1/2ක් පමණ පළලය. විල් අවට ඇති දර්ශනීය පෙදෙස ඇරෝපාක් නමින් හැඳින්වේ. ඉහළ ඇරෝ විල ඉස්මත්තෙහි ඇරෝහෙඩ් නම් වූ කුඩා නගරය පිහිටියේය. දුම්නැව්වලින් මේ විල් තරණය කළ හැකිය.

(සංස්කරණය: 1967)