ඇලඩින්
සිංහල විශ්වකෝෂය වෙතින්
අරාබිනිසොල්ලාසයෙහි එන ‘ඇලඩින් සහ පුදුම පහන’ නම් වූ ජනප්‍රිය කථාවෙහි කථානායකයාය.
එම කථාන්තරය අනුව හෙතෙම චීනයේ දුප්පත් සන්නාලියකුගේ පුතෙක් විය. දුෂ්ට මන්ත්‍රකාරයකු විසින් ගුහාවක තිබූ පුදුම පහනක් ගැනීමට ඇලඩින් යොදවනු ලැබීය. පහන ගත් ඇලඩින් එය මන්ත්‍රකාරයාට නොදී එහි ඇති ගුප්ත බලයෙන් ප්‍රයෝජන ගෙන ධනවත් වී එම ප්‍රදේශයේ සුල්තාන්ගේ දුව සරණ කරගෙන විසුවේය. මේ අතර මන්ත්‍රකරු ප්‍රයෝගයක් කොට කුමරියගෙන් එම පහන මිලයට ගෙන ඊට අධිගෘහිත රකුසාගේ බලයෙන් කුමරිය හා ඇගේ මන්දිරය ද අප්‍රිකාවට ගෙන ගියේය. මේ දැනගත් ඇලඩින් අප්‍රිකාවට ගොස් ඔහු නසා පහන ලබාගෙන නැවතත් චීනයට පැමිණ පෙර සේ මහත් යස ඉසුරෙන් විසුවේය.
(සංස්කරණය: 1967)
