ඇලෙක්සැන්ඩර් ආකිපෙලගෝ

ඇලස්කාවේ නිරිතදිග වෙරළ ඔස්සේ විහිදී ඇති කුඩා දිවයින් එක්දහස් එක්සියයකින් පමණ සැදි, විශාලත්වයෙන් ව.සැ. 13,000ක් පමණ වූ කොදිව් රැසකි. ගිලුණු කඳු පද්ධතියක ශේෂ වශයෙන් සලකනු ලබන මෙම කොදිව් අතුරෙන් සමහරක අඩි 5,000 පමණ දක්වා උස් කඳු මුදුන් වේ.

ප්‍රින්ස් ඔෆ් වේල්ස්, විවාගොෆ්, බරානොෆ්, අද්මිරාල්ති, කුප්රියානොෆ් හා රෙව්ලාගිගේදෝ මෙහි ප්‍රධාන දූපත්ය. ඇලස්කාවේ සුප්‍රකට නැව්තොටක් වූ කෙචිකාන් පිහිටා ඇත්තේ රෙව්ලාගිගේදෝහිය.

කොදිව් සමූහයේ මුළු ජනගහනය (1950) 18,000ක් පමණය.