ඊවෝ ජීමා

'ගෙන්දගම් දූපත' යන අර්ථවත් මෙය ශාන්තිකර සාගරයේ ඔගාසාවාරා හෙවත් බෝනින් දිවයින් පන්තියට අයත් ව.සැ. 8ක් පමණ වූ කුඩා දිවයිනකි. තෝකියෝ නගරයට සැතැපුම් 660ක් දකුණින් පිහිටා තිබේ.

1945 පෙබරවාරි සහ මාර්තු යන මාසවල දී මෙම දිවයින ජපනුන්ගෙන් පැහැර ගැනීම සඳහා 5,000කටත් අධික ඇමෙරිකානු භට පිරිසක් දිවි පිදූහ. දෙවැනි ලෝක සංග්‍රාමයේ අවසාන සමයේ දී මෙම දූපත තමන් සතුව තිබීම ඇමෙරිකානු බල ඇණිවලට ඉමහත් උපකාරයක් විය. ජපානය දෙසට යාත්‍රාකළ බෝම්බහාරක ගුවන් යානා ආරක්ෂා කිරීමටත් ජපානයේ ඇතැම් ඉලක්කවලට ප්‍රහාර එල්ල කිරීමටත් ඔවුන් විසින් එය යොදා ගන්නා ලදි.

(සංස්කරණය: 1970)