උපග්රහයෝ
සිංහල විශ්වකෝෂය වෙතින්
ප්රධාන ග්රහයන්ගෙන් අන්ය වූ ග්රහයන්ට උපග්රහ යන නාමය ව්යවහාර කරනු ලැබේ. ශනිගේ පුත්ර ගුලික (මාන්දි) ද කුජගේ පුත්ර අර්ධප්රහර ද බුධගේ පුත්ර කාලමෘත්යු ද ගුරුගේ පුත්ර යම කණ්ඨක ද කිවිගේ පුත්ර යාමශුක්ර (ධූම) ද යන සිව්දෙන හා ව්යතිපාත, පරිවේෂ, ඉන්ද්රවාප, ධූමකේතු යන මොහු ද උපග්රහයෝ නම් වෙති. මෙකී ග්රහයන් ඇසුරු කළ රාශි නක්ෂත්රාදිය ජන්මඵල කථනයෙහි දී ද ප්රශ්න විසඳීමෙහි දී ද ප්රයෝජනවත් වේ.
මේ හැර මුහූර්ත යෙදීම් ආදියෙහි දී සැලකීමට භාජන වන විද්යුන්මුඛ, ශූල, සන්නිපාත, කේතු, උල්කා, කම්ප, වජ්ර, නිර්ඝාත යයි උපග්රහයෝ අටදෙනෙකි. මොවුන් ආශ්රිත නැකත් අශුභ වශයෙන් සලකනු ලැබේ.
(සංස්කරණය: 1970)
