උපනිෂ්ක්රමණය
සිංහල විශ්වකෝෂය වෙතින්
(නිෂ්ක්රමණය). මවුකුසින් බිහිවීමෙන් පසු දරුවකුට ප්රථම වරට හිරු දැක්වීම (හිරු වැඳවීම) සඳහා කරනු ලබන සංස්කාරයකි. ඉතා පුරාණයේ පටන් හින්දුවරුන් අතර ව්යවහාරයෙහි පවත්නා මේ සංස්කාරය ලක්වැසියන් අතර ද දොරට වැඩීම නමින් මේ දක්වා ව්යාප්තව පවතී. ඇතැම් ග්රන්ථවල දැක්වෙන හැටියට බ්රාහ්මණ වංශිකයන් විසින් උත්පත්තියෙන් සිව්වන මාසයෙහි දී ද අනිකුත් වංශවලට අයත් වූවන් විසින් උපන් දොළොස් දවසින් හෝ තුන් මසින් හෝ බත් කැවීමේ දී ද හිරු දැක්වීම කළ යුතු වේ. වංශභේදයක් ගැන නොසලකා සිව්වන මාසයෙහි චන්ද්ර දර්ශනය සිදුකිරීමට නියමිතය. උපනිෂ්ක්රමණය පිළිබඳ විස්තර ගෘහ්ය සූත්රයන්හි බෙහෙවින් දක්නට ලැබේ.
(සංස්කරණය: 1970)
