එප්සම්

එංගලන්තයේ සරි පළාතෙහි ලන්ඩනයේ සිට සැතපුම් 15ක් පමණ දුරින්, පිහිටි නගරයකි. මෙහි ජනගහනය (1961) 71,159කි. එප්සම් පෙදෙස පලතුරු සහ සිසිල් බීම නිෂ්පාදන මධ්‍යස්ථානයකි. එහෙත් මෙනුවර ලෝක ප්‍රකටව ඇත්තේ තුරඟ තරඟ සම්බන්ධයෙනි. ලෝකයේ තුරඟ ධාවන තරඟ අතුරින් ශ්‍රේෂ්ඨතම තරඟ දෙකක් හැටියට පිළිගැනෙන ඩාබි සහ ඕක්ස් යන තරඟ දෙක පවත්වනු ලබන්නේ මෙහි එප්සම් ඩව්න්ස් (Epsom Downs) නම් වූ තුරඟ තරඟ පිටියේ දීය. එප්සම් ලුණු (Epsom salts) (බ.) මුලින් ලබාගන්නා ලද්දේ මේ නගරය අසල පිහිටි මැග්නීසියා උල්පත්වලින් නිසා ඊට ඒ නම ව්‍යවහාර වේ.

(සංස්කරණය: 1974)