හෙරල්ඩ් එඩ්වර්ඩ් ස්ටැසන්

(Harold Edward Stassen) (1907.04.13-2001.03.04). ඇමරිකා එක්සත් ජනපදයේ රිපබ්ලික් පක්‍ෂයේ නායක වූ ස්ටැසන් මිනැසෝටා ප්‍රාන්තයේ ආණ්ඩුකාර පදවිය ද ඉසිලී ය.සෙන්ට් පෝල් අසළ ගොවිපොළක උපන් මොහු මිනැසෝටා විශ්ව විද්‍යාලයේ අධ්‍යාපනය ලබා සෙන්ට් පෝල්හි නීතී වෘත්තියෙහි යෙදුණේ ය. ඔහු ආණ්ඩුකාර ධූරයෙහි කටයුතු කාලයෙහි සිවිල් සේවය පිළිබඳ නීතී සංශෝධනය කළේ ය. ආණ්ඩුකාර පදවියෙන් අස් වී නාවික හමුදාවේ ද පෙන්සිල්වේනියා විශ්ව විද්‍යාලයේ ද සේවය කළ ස්ටැසන් 1948 දී රිපබ්ලිකන් පක්‍ෂයේ අපේක්‍ෂයා ලෙස ජනාධිපති ධූරය සඳහා තරඟ කළේ ය.

(කර්තෘ: විමල් අබේසුන්දර)

(සංස්කරණය නොකළ)