අබ්‍රහ්මචරිය සඳහා මුලාශ්‍රය නරඹන්න

මෛථුනවිරති සංඛ්‍යාත බ්‍රහ්ම (ශ්‍රේෂ්ඨ) චරියට විරුද්ධ වූයේ අබ්‍රහ්මචරිය ය. මෙහි අකාරය විරුද්ධාර්ථයි. අශ්‍රේෂ්ඨචර්යාව, මෙවුන්දම් සෙවීම "අබ්‍රහ්මචරිය" නමි. කායද්වාරයෙහි පැවති මෛථුනව්‍යතික්‍රම චේතනාව ද අබ්‍රහ්මචරිය නම්වේ. අසද්ධම්ම, ගාමධම්ම ආදි පර්යාය වචනවලින් දක්වන අබ්‍රම්සරින් වැළකීම හෙරණුනට හෙරණසිල් වශයෙන්ද ගිහියනට පෙහෙවස් සිල් වශයෙන් ද තුන්වන තැන සිටින ශික්ෂාපදය වෙයි. හෙද හෙරණුනට හා උපසපනුන්ට පාරාජිකාස්ථානයෙහි සිටුණේ වෙයි. තවද මේ අබ්‍රම්සරින් වෙන් වීමෙහි සොළොස් අනුහස් කෙනෙක් දක්වන ලද්දාහු වෙති. සතුරන් නැති බව, හැම දෙනාට ප්‍රිය බව, ආහාරපාන වස්ත්‍ර ශයනාදිය ලබනසුලු බව, සුවසේ හෝනා බව, සුවසේ පිබිදෙන බව, අපායභයින් මිදුණු බව, ගැහැනු බව හෝ නපුංසක බව ලැබීමට නුසුදුසු බව, ක්‍රෝධ නොකරන බව, ප්‍රත්‍යක්ෂකාරී බව, කර නොනමන බව, යට නොබලන බව, ස්ත්‍රී පුරුෂයන් ඔවුනොවුන්ට ප්‍රිය බව, පිරිපුන් ඉඳුරන් ඇති බව, පිරිපුන් ලක්ෂණ ඇති බව, නිසැක බව, අල්පෝත්සුක බව, සැප විහරණ ඇති බව, කිසි තැනකින් බියපත් නොවන බව, ප්‍රිය විප්‍රයෝග දුක් නැති බව යන මේයි. මෙහි විභාග සාරත්ථසමුච්චයාදියෙන් දන්නේයි. ([[බ්‍රහ්මචර්යාව]] ද බ.)

(සංස්කරණය:1963)
[[ප්‍රවර්ගය:අ]]