එක්සත් ජාතීන්ගේ අභ්‍යාස හා පර්යේෂණ ආයතනය සඳහා මුලාශ්‍රය නරඹන්න

(U.N. Institute for Training and Research). 1965 දී මෙම ආයතනය පිහිටුවන ලද්දේ සංවර්ධනය වෙමින් පවත්නා රටවල ඉතා දක්ෂ පුද්ගලයන්හට එ.ජා. සංවිධානයේ හෝ තම තමන්ගේ රටවල හෝ සේවය සඳහා පුහුණුව ලබා දීම අරමුණු කොටගෙනය. මෙසේ පුහුණුව ලබාදීම එ.ජා. සංවර්ධන දසකයේ (1961-1970) අරමුණු සාර්ථක කරගැනීම සම්බන්ධයෙන් බෙහෙවින් වැදගත් වෙතැයි එ.ජා. මහා මණ්ඩලය සිය විශ්වාසය පළ කළේ 1962 වර්ෂයේ දීය. 

1965 දී මෙම එ.ජා. අභ්‍යාස හා පර්යේෂණ ආයතනයේ භාරකාර මණ්ඩලයේ සාමාජිකයෝ විසි එක් දෙන සිය ප්‍රථම රැස්වීම පවත්වා එම ආයතනයේ ව්‍යවස්ථාව ප්‍රකාශයට පත් කළහ. ආයතනයේ කටයුතු නම් (1) විශේෂයෙන්, සංවර්ධනය වෙමින් පවත්නා රටවල පුද්ගලයන් එ.ජා. පවුලේ ආයතනවල හෝ තම තමන්ගේ රටවල ජාතික සේවාවන්හි සේවයට පුහුණු කිරීම, (2) එ.ජා. කාර්යවලට හා අරමුණුවලට සම්බන්ධ පර්යේෂණ හා අධ්‍යයන පැවැත්වීම යන මේයි. 

මෙම ආයතනයෙහි වත්මන් (1974) විධායක අධ්‍යක්ෂවරයා ආචාර්ය ඩේවිඩ්සන් නිකොල්ය. ප්‍රධාන කාර්යාලය පිහිටා ඇත්තේ නිව්යෝක්හිය.

(සංස්කරණය: 1974)

[[ප්‍රවර්ගය: ජාත්‍යන්තර සංවිධාන]] 

[[ප්‍රවර්ගය: එ]]