දැල්පන්දු ක්‍රීඩාව සඳහා මුලාශ්‍රය නරඹන්න

ගැහැණු ළමයින් අතර බෙහෙවින් ජනප්‍රිය වී ඇති එළිමහන් ක්‍රීඩාවකි. මෙම ක්‍රීඩාව කෙරෙනුයේ අඩි 100x50 ප්‍රමාණයේ තද පොළොව සහිත සමතලා ක්‍රීඩා පිට්ටනියක ය. පිටියේ දෙකෙළවර අර්‍ධ විෂ්කම්භය අඩි 16ක් වූ අර්‍ධ වෘත්ත දෙකක් අදිනු ලැබේ. එය තුළ අඩි 10ක් පමණ උස කණුව බැඟින් සවිකරනු ලැබේ. කණුව මුදුනේ දැලක් හෝ වෘත්තයක් සවි කරනු ලැබේ. ලකුණක් රැස් කර ගැනීම සඳහා අර්‍ධ වෘත්තය තුළ සිට දැල තුළින් යන සේ පන්දුව දැමිය යුතු වේ. 

මෙම ක්‍රීඩාව සඳහා යොදා ගන්නා පන්දුව අඟල් 27ක පමණ වටප්‍රමාණයකින් යුක්ත වන අතර අවුන්ස 14-16 දක්වා බර වේ. 

ක්‍රීඩාව කෙරෙන්නේ එක් පිලකට සාමාජිකයන් හත්දෙනා බැඟින් වූ පිල් දෙකක් අතර ය. එක් පිලකට සෙන්ටර් ක්‍රීඩකයන් තුන්දෙනෙක් පහර දෙන්නන් දෙදෙනෙකු ආරක්‍ෂකයන් දෙදෙනෙකු සිටිති. සෙන්ටර් ක්‍රීඩකයන් උත්සාහ කරන්නේ බෝලය අර්‍ධ වෘත්තාකාර කොටසට යැවීමට ය. පහර දෙන්නන්ගේ කාර්‍ය්‍ය බෝලය දැල තුළින් දමා ලකුණු රැස් කිරීමයි. ආරක්‍ෂකයෝ විරුද්ධ පාක්‍ෂිකයන් බෝලය ගැනීම වැලැක්වීමට හා ලකුණු රැස්කිරීම වැලැක්වීමට උත්සාහ ගනිති. බෝලය හැම විට ම ක්‍රීඩකයන් අතින් අතට යැවිය යුතු අතර එය රැගෙන දිවීම නොකළ යුතු ය.  

(කර්තෘ: [[දේවිකා ප්‍රියදර්ශනී එදිරිවීර]])

(සංස්කරණය නොකළ) 

[[ප්‍රවර්ගය: ක්‍රීඩා]] 

[[ප්‍රවර්ගය: ද]]