දොන් කොන්ස්ටැන්ටයින් නවරත්න සඳහා මුලාශ්‍රය නරඹන්න

පෘතුගීසි යටතේ හත්කෝරළයේ දිසාපති තනතුර දැරූ මොහු දොන් ජුවන්ගේ බෑනා කෙනෙකි. 

1616 දී [[නිකපිටිය බණ්ඩාර]] (බ.) පෘතුගීසීන්ට විරුද්ධව කැරැල්ලක් ඇති කළ අවස්ථාවේ දී, හතර කෝරළයේ ලස්ක්‍රිඤ්ඤ හේවායෝ ද කැරලිකරුවන්ට එක් වූහ. මේ හෙයින් පෘතුගීසීන්ට ඉතාම අන්තරාදායක තත්ත්වයකට මුහුණ පාන්නට සිදු විය. මේ අවස්ථාවේ දී කොන්ස්ටැන්ටයින් නවරත්න ඉදිරියට අවුත්, තමා කැරලි නායකයාට වඩා සත් වරක් රජෙක් යයි කියමින් පලා ගිය හේවායන්ගෙන් වැඩි කොටසක් ආපසු ගෙන්වා ගත්තේ ය.

මෙම කැරැල්ල පිළිබඳව දැනගන්නට ලැබුණු [[පිලිප් ද ඔලිටේරියා]] (බ.) සේනා කැටුව වහාම සබරගමුවෙන් පිටත් වී කැරලි ප්‍රදේශය බලා ගියේ ය. ගම් පාලු කරමින්, කැරලිකරුවන් අල්ලා ගනිමින් ඔහුගේ හමුදාව ඉදිරියට යද්දී, එහි වූ ලස්ක්‍රිඤ්ඤ හේවායෝ ආයුධ සහිත ව කැරලිකරුවන්ට එක් වූහ. 

තමා යටතේ සිටි හේවායන්ට ආයුධ සහිතව පළා යාමට ඉඩ හැරීම නිසා, ඔලිවේරිය නිලයෙන් පහ කළ ජනරාල්තුමා ඒ නිලයට දොන් කොන්ස්ටැන්ටයින් නවරත්න පත් කළේ ය. 

කොන්ස්ටැන්ටයින් ද සා නොරොඤ්ඤා (1618-1620) ජනරාල් ධුරයට පත්වීමෙන් පසු, පෘතුගීසීන්ට විරුද්ධ ව නැගී ආ මායාදුන්නේ නැමැත්තකු ලුහුබැඳ යාම පිණිස ජනරාල්තුමා දොන් කොන්ස්ටැන්ටයින් නවරත්න පිටත් කර හැරියේ ය.

'''ආශ්‍රිත ග්‍රන්ථ'''

ලංකා ඉතිහාසය - පෘතුගීසි යුගය - එස්.ජී. පෙරේරා පියතුමා   

(කර්තෘ: [[දේවිකා ප්‍රියදර්ශනී එදිරිවීර]])

(සංස්කරණය නොකළ)

[[ප්‍රවර්ගය: ලංකා ඉතිහාසය-චරිත]] 

[[ප්‍රවර්ගය: න]]