"අයිසිනි" හි සංශෝධන අතර වෙනස්කම්

13:25, 7 ජූලි 2023 වන විට නවතම සංශෝධනය

(Iceni). එංගලන්තයේ නෝෆෝක් හා සෆෝක් යන ප්‍රදේශවල ජීවත්ව සිටි පැරණි ගෝත්‍රයකි. රෝමන්වරුන් එංගලන්තය ආක්‍රමණය කරන කාලයේ දී මොවුන්ට සැලකිය යුතු ප්‍රමාණයක දේශපාලන බලයක් නෝෆෝක් හා ස‍ෆෝක් ප්‍රදේශවල තුබුණු බව පෙනේ. එකල මොවුන්ගේ අගනුවර "වෙන්තා අයිසිනෝරුම්" නමින් හැඳින්විණි. මුල දී රෝමන් අධිරාජ්‍යයට පක්ෂපාතකම් දැක්වූ නමුත් ක්‍රි.ව.48 දී හා 61 දී පමණ මොව්හු රෝමන් අධිරාජ්‍යයට විරුද්ධව කැරලි ගැසූහ. ක්‍රි.ව.60 දී පමණ අයිසිනි ගෝත්‍රික රජකු වූ ප්‍රසුතගුස් මිය යෑමෙන් පසු අයිසිනිවරු රෝමන් අධිරාජ්‍යයට යටත් වූහ.

(සංස්කරණය:1963)