"සුවණ" හි සංශෝධන අතර වෙනස්කම්
Senasinghe (කතාබහ | දායකත්ව) ('මෙය සත්විසි නැකත්වලින් විසිදෙවැන්න ය. සුවණ නැ...' යොදමින් නව පිටුවක් තනන ලදි) |
(වෙනසක් නොමැත)
|
16:54, 27 දෙසැම්බර් 2023 වන විට නවතම සංශෝධනය
මෙය සත්විසි නැකත්වලින් විසිදෙවැන්න ය. සුවණ නැකත ඊයක සටහනක් ඇති කරවන තරු තුනකින් යුක්ත ය. මේ නැකත දේව ගණයි. වානර යෝනියි. වරා වෘක්ෂයි. කුක්කුට පක්ෂියි. වයෝ භූතයි. පුලහ ගෝත්රයි. ශුද්ර වර්ණයි. පුරුෂ ලිංගයි. අන්ත්ය නාඩියි. බාහු රජ්ජුයි. ඌර්ධ්ව මුඛයි. අන්ධලෝචනයි. විෂ්ණු දේවතාධිපති වු මේ නැකත මාහේන්ද්ර මණ්ඩලයට අයිති ය. රාශි චක්රයේ මධ්යම මාර්ගය වූ ජරද්ගව විටියෙන් කෙටසක් ද මේ නැකතට සම්බන්ධ වේ. මෙය උදාවි ඝටිකා දහයක් ගිය තැන ඝටිකා හතරක් විෂ බැවින් ඒ කාලය ගමනෙහි අශුභයි. ඉතිරි කාලය තුළ කිරි මිශ්ර ආහාර අනුභව කොට සියලු දිශාවලට යාම ශුභයි. එහෙත් දකුණු දිශාවට යාම අශුභ බව ඇතැම් ග්රන්ථවල දැක්වේ. මේ නැකතින් රෝගයක් වැළඳුන හොත් දින එකොළහක් ගතවන තුරු අරිටු වේ. ඊට විෂ්ණු දේවතා ප්රතිමාවක් තනා කොකුම්, කස්තුරි, රතුවස්තු, තලාකොළ, දශාඞ්ග ගුග්ගුලු ධූප, හැල්සාලේ බත්, ගිතෙල් කිරි මිශ්ර ආහාර ආදියට නියමිත මන්ත්රවලින් මතුරා පුදා උතුරු දිශාවෙහි බලි තැබීමෙන් දින එකොළසකින් සුව වේ.
සුවණ නැකත ඉරුදිනෙක යෙදුණ කල ශුභ යෝගයි. සඳු දිනයෙහි සිද්ධි යෝගයි. අටවක සමඟ යෙදුණොත් නාශ යෝගයි. කුජ දිනයෙහි අව යෝගයි. බුධ දිනයේ ශුභ යෝගයි. ගුරු දිනයෙහි ශුභ යෝගයි. කවි දිනයෙහි අව යෝගයි. ශනි දිනයෙහි ශුභ යෝගයි. නන්දා තිථියක් (1-6-11) සමඟ යෙදුණු කළ ජීව යෝගයි. මේ නැකතෙහි පාපග්රහයෙකුගේ යෙදීමක් ඇති විට මහාශූල යෝගයි. නවම් මාසයෙහි ශූන්ය දෝෂයි. මේ නැකතින් උත්පාත දර්ශනයක් වී නම් දුර්භික්ෂ ඇති වේ. සුවණ නැකකින් මල්වර වූ කන්යා තොමෝ පුත්ර ලාභ සහිත ස්ථිර ධන ඇත්තියක් වන්නී ය. ධර්ම, මල්ල, හස්ති, අශ්ව, ආයුධ, ජ්යොතිෂ යන ශාස්ත්ර ඉගෙනීමෙහි ද ප්රංසවන, සීමන්ත, නාමකරණ, හෝම, ශාන්ති, මන්ත්රප්රයෝග ආදියෙහි ද මේ නැකත ශුභයි. සුවණ නැකතින් උපන් තැනැත්තේ කෙළෙහි ගුණ දත්ථ හික්මීම හා ත්යාගවන්තභාවයෙන් හෙබී පුත්ර ලාභ හා ධන ලාභ ඇත්තෙක් වේ. මෙහි ප්රථම පාදය කුජට හිමි ය. එහි උපන්නේ දබරයෙහි ප්රිය වූ පුතුන් මඳ වු ද ස්ථූල ශරීරයක් ඇති උත්සහවන්තයෙක් වෙයි. දෙවන පාදය කිවිට හිමි ය. එහි උපන්නෙක් බොහෝ වැඩකරුවන් හා කාමාධික පැවතුම් ඇති කටයුතුවල නිපුන රෝගයෙන් පීඩීත වැහැරුණු සිරුරක් ඇත්තෙක් වෙයි. තුන්වන පාදය බුධට හිමි ය. එහි උපන්නේ අහංකාර ගති ඇති, කලහ ප්රිය වූ, වස්තු ලාභ සහිත ප්රයෝග දන්නෙක් වේ. සිව්වන පාදය සඳුට හිමි ය. එහි උපන්නේ භෝග සම්පත්තියෙන් හා දානශිල දෙකෙන් යුක්ත වූ ගොවිකම් දත් ධනවතෙක් වේ. මේ නැකතින් උපන් ජන්මයාට පළමුවෙන් ඇති වන්නේ සඳුගේ නක්ෂත්ර මහදශාව ය. බි, බු, බෙ, බො යන අකුරු හතර මේ නැකතේ පාද සතරට පිළිවෙළින් හිමි වේ. මේ අකුරු නාමකරණය සදහා යොදනු ලැබේ. කාව්ය ශාස්ත්රයෙහි ත ගණය මේ නැකතට හිමි වේ.
හෝරාහරණය..............125
මුහූර්ත චින්තාමණිය..........32
නක්ෂත්ර චූඪාමණි............42
ගුණදොස සංග්රහව...........24
වෘහත්සංහිතා
මුහූර්ත තත්ව
යවන ජාතකය..............65
ලග්න සර්වක්ෂ්යමු............4
චන්ද්රාහරණය...............22
රාත්රී ලග්න නිරූපණය
කෝෂ්ටි ප්රදීප
ලග්නචන්ද්රිකා...............64
(කර්තෘ: ඩී.ආර්. සෙනෙවිරත්න: 1956)
(සංස්කරණය නොකළ)