"ඩෙන්මාර්ක් සමුද්‍ර සන්ධිය" හි සංශෝධන අතර වෙනස්කම්

08:40, 11 ජනවාරි 2024 වන විට නවතම සංශෝධනය

(Denmark Strait). ඩෙන්මාර්ක් සමුද්‍ර සන්ධිය යනු ග්‍රීන්ලන්තය සහ අයිස්ලන්තය අතර ඇති සමුද්‍ර ඕඩයයි (Channel). මෙය ග්‍රීන්ලන්ත සමුද්‍ර සන්ධිය (Greenland Strait) නමින් ද හැඳින්වේ. එහි එක් කොටසක් උතුරු අක්ෂාංශ 660 හි පැතිරුණ ආක්ටික් වෘත්තය මත පිහිටියේ ය.

ඩෙන්මාර්ක් සමුද්‍ර සන්ධියේ ඉතා ම පටු ස්ථානයේ පළල කි.මී. 290කි. එම සමුද්‍ර සන්ධිය ග්‍රීන්ලන්ත මුහුදේ සිට උතුරු අත්ලාන්තික් සාගරයේ ජලකඳ තෙක් කි.මී. 480ක් පමණ විහිදෙයි. එම සමුද්‍ර සන්ධියේ බටහිර පාර්ශ්වය දිගේ නැගෙනහිර ග්‍රීන්ලන්ත ශිශිර ප්‍රවාහය දකුණු දෙසට ගලයි. උත්තර සාගරයේ සහ ග්‍රීන්ලන්ත අයිස් වැස්මේ ආරම්භ වන පාවෙන අයිස් කුට්ටි (Ice burgs) එම ප්‍රවාහය මගින් දකුණට ගෙන යනු ලැබේ. උණුසුම් ප්‍රවාහයක් වූ අර්ටින්ගර් ප්‍රවාහයේ ශාඛාවක් අයිස්ලන්ත වෙරළ අසල දී උතුරු දෙසට ගලයි. නෝර්වර්ජියානු ජෑන් මේයන් (Jan Mayen) නමැති දූපත මෙම සන්ධියේ පිහිටා තිබේ.

දෙවන ලෝක සංග්‍රාම කාලයේ දී 'බිස්ටාත්' යන ජර්මානු යුද්ධ නෞකාව විසින් 1941 දී 'හුඩ්' යන බ්‍රිතාන්‍ය යුද්ධ නැව ගිල්වනු ලැබුවේ 1941 දී ඩෙන්මාර්ක් සමුද්‍ර සන්ධියේ දී ය.

(කර්තෘ: එස්මි ජී. ද සිල්වා: 2004)

(සංස්කරණය නොකළ)