"හැරී ලොයිඩ් හොප්කින්ස්" හි සංශෝධන අතර වෙනස්කම්

11:13, 25 ජනවාරි 2024 වන විට නවතම සංශෝධනය

(Harry Lloyd Hopkins) (1890.08.17 – 1946.01.29). ඇමෙරිකා එක්සත් ජනපද රාජ්‍යයේ දේශපාලනඥයෙකි, රාජ්‍ය පරිපාලන නිලධාරියෙකි, ජනාධිපති උපදේශකයෙකි. ග්‍රිනල් විද්‍යාලයේ අධ්‍යාපනය ලබා උපාධි ලත් හෙතෙම තරුණ වියෙහි සිට ම සමාජ කටයුතුවල යෙදුණේ ය. ඔහු ෆ්‍රෑන්ක්ලීන් ඩී.රූස්වෙල්ට්ගේ මිත්‍රයකු වූවා පමණක් නොව පාලන කටයුතුවල දී ඔහුට බොහෝ සෙයින් සහාය විය. පසුව ඔහු වෙළඳ අමාත්‍ය ධුරයට පත්කරනු ලැබී ය. වැදගත් දූත මෙහෙයන් කීපයක දී ම ජනාධිපතිවරයාගේ නියෝජිතයා වශයෙන් පෙනී සිටි හොප්කින්ස් ඇමරිකාව දෙවන ලෝක සංග්‍රාමයට සම්බන්ධ වූ සමයෙහි දේශපාලන ජීවිතයෙන් විශ්‍රාම ගත්තේය. ඔහු විසින් ලියන ලද ස්වකීය දේශපාලන ජීවිතයේ සිහිවටන් (Memories) ‘රූස්වෙල්ට් සහ හොප්කින්ස්’ (Roosevelt and Hopkins) නමින් ප්‍රසිද්ධ කරනු ලැබී ය.

(කර්තෘ: ජයන්ත විමලසේන)

(සංස්කරණය නොකළ)