"ඩොර්ඩෝඤෙ" හි සංශෝධන අතර වෙනස්කම්

15:21, 12 පෙබරවාරි 2024 වන විට නවතම සංශෝධනය

(Dordogne) ප්‍රංශයේ දකුණු මධ්‍යම ප්‍රදේශයේ පිහිටි ප්‍රදේශයකි. එහි මධ්‍යම කුළු කන්දේ සිට නිරිත දෙසට බෑවුම් වන ප්‍රදේශයකි. මේ ඩොර්ඩෝනිය ගංගාව හා එහි අතු ගංගාවලින් මේ ප්‍රදේශය විලාශ්‍රිත වේ. ඩොර්ඩෝඤෙ ගංගාව ඔර්වනේ කඳු වලින් ආරම්භ වී නිරිත දෙසට ගලයි. එහි ශාඛා ගංගා නම් ඩීගෙ, වෙසීරෙ, අයිල්, රියු, ටැරොන් සහ සෙරේ ය.

එහි දේශගුණය තෙත් වුවද භූමියේ ස්වභාවය රළු ය. එහි උතුරු කොටසේ උස් බිම් ද මධ්‍යම හා දකුණු කොටසේ හුණුගලින් සමන්විත සානු හරහා ගැඹුරු නිම්න සහිත භූ විෂමතාවක්ද දක්නට ලැබේ. භූමියේ බෑවුම බටහිර පුළුල් තැන්න දෙසට ය.

ඩොර්ඩෝඤෙවල ඉතා ම සාරවත් නිම්න කිහිපයක තිරිඟු, අර්තාපල්, දුම්කොළ, ඉරිඟු සහ මිදි වවා තිබේ. සත්ව පාලනය කෙරෙන සානු ප්‍රදේශයේ ගවයන් සහ ඌරන් ඇති කෙරේ. එහි ඇති විශේෂත්වය වන්නේ චෙස්ට්නට් ගෙඩිවලින් ඌරන් තර කිරීම ය. ප්‍රධාන කර්මාන්ත වනුයේ ආහාර සකස් කිරීම, සත්ව නිෂ්පාදිත ටින් කිරීම, කඩදාසි නිපදවීම සහ ලී කැටයම් ශිල්පයයි. වොල්නට් සහ වයින් අපනයනය කෙරේ. ජලවිදුලිබල යන්ත්‍රාගාර හතරක් එහි ඇත. ඒවා ඩොර්ඩෝඤෙ ගංගාව හරහා බැදි ඊගල් වේල්ල හා සම්බන්ධ වේ. ඩොර්ඩෝඤෙ පාලන ඒකකයේ අගනගරයේ පෙරිගුඑනේ (Periguene) ය. පුරා ශිලා සමයට අයත් ප්‍රාග්-ඓතිහාසික ගුහා කීපයක් වෙසීරේ පහළ නිම්නයෙන් හමු වී ඇත.

ඩොර්ඩෝඤෙ පාලන ඒකකය (දෙපාර්තමේන්තුව) පිහිටුවන ලද්දේ 1790 දී පැරණි පෙරිගෝඩ් දිස්ත්‍රික්කයත් ලිමඋසීන්වලින් කොටසකුත් ඇන්ගෑමුවයි සහ සෙයින්ටෝනෙ යන ප්‍රදේශ ඒකාබද්ධ කරමිනි.

(කර්තෘ: එස්මි ජී. ද සිල්වා)

(සංස්කරණය නොකළ)