"දොන් දියෝනිස් දිසානායක" හි සංශෝධන අතර වෙනස්කම්

22:44, 8 මාර්තු 2024 වන විට නවතම සංශෝධනය

රසවත් උපහාස කීමෙහි ද කාව්‍යකරණයෙහි ද පෑ සමත්කම් නිසා මාතර යුගයේ ප්‍රසිද්ධියට පත් ගිහි පඬිවරයෙකි. ගිරුවා ජනපදයෙහි බැදිගම උපන් මෙතුමා චතුර කථික බැදිගම රත්තපාල නායක හිමියන්ට ගිහි බිම සොහොයුරු වී. පට්ටියපොළ විහාරාධිපති ව වැඩ සිටි සිරි සෝභිත ස්වාමීන් කෙරෙන් අක්ෂරභ්‍යාසය ලද්දේ ය. පසුව පොල්වත්තේ සිද්ධාර්ථ ස්වාමී, දොන් ජොහානිස් දිසානායක, දොන් අන්දිරිස් ධීරසේකර යන පඬිවරයන් ආශ්‍රයෙන් දැනුම වඩා වවා ගත්තේ ය. එවක සාහිත්‍ය කටයුතුවලට ඔහුගෙන් සැලකිය යුතු සේවයක් සිදු විය. භොගරත්නාකරය ශුද්ධයට පැමිණියේ ඔහු අතිනි. බැදිගම අප්පුහාමි නමින් ද හඳුන්වනු ලබන ඔහුගේ කවි අද ද කියමින් රසවිඳින්නෝ සිටිත්. කවි සඟරාව ආදි ග්‍රන්ථයන්හි මේ කවියාගේ රසවත් කවි දක්නා ලැබේ.

(කර්තෘ: ඩී.සී. දිසානායක: 1997)

(සංස්කරණය නොකළ)