"දශ ග්‍රහ සාන්තිය" හි සංශෝධන අතර වෙනස්කම්

14:01, 10 අප්‍රේල් 2024 වන විට නවතම සංශෝධනය

පුරුෂයන්ට වන යහපත දෙකෙහි නව ග්‍රහයන් පානා බලයට වඩා බලයක් භාර්‍ය්‍යාව පාන්නී යයි පෙන්නා ලීමට ග්‍රහ ශාන්තියක ව්‍යාජයෙන් කැරුණු විකට කාව්‍යයෙකි. සම්මතව සිටින නවග්‍රහයනට පසුව දශවැනි වශයෙන් සක්‍රිය ග්‍රහ සංඛ්‍යාවෙහි ලා හැඳින්වෙන බැවින් දශග්‍රහ සාන්තිය යන නම යෙදිණ. යුතුකම් දන්නා මහතකුගේ ඉල්ලීම පිට හනුමා විසින් එය කරන ලද බව පැවැසේ. කවි 141 කි. නවග්‍රහ පිළිවෙළ දසවන ග්‍රහයාගේ ගුණා ගුණ දසවන ග්‍රහ බලිය ඇඹීම හා පේකිරීම, කඩතුරාව හැරීම, සිරසපාද, සත් දින ශාන්තිය, අෂ්ට වර්ග බාරි චරිත, හමාර ස හනුමාගේ අවවාද පිළිවෙළින් එයි. ග්‍රහ බලිතොවිල් අංග සියල්ලෙන් සම්පූර්‍ණ එහි කවි එක් එක් ශාන්ති කර්මයට උචිත කාව්‍ය කාලයෙන් ම බැඳ තිබේ. ගිහි ගෙවල පවත්නා නොයෙක් තතු දැක ඒ එකිනෙකට ගෘහණියම හේතුවන බව මෙයින් ඉතා රසවත් ව පෙන්නා දෙන්නේ සිනාවටත් සරදමටත් ලක් කෙරෙමිනි. විනෝද කාව්‍යයක් ලෙසින් එය අගය කළ හැකි වේ.

(කර්තෘ: ඩී.සී. දිසානායක: 1956)

(සංස්කරණය නොකළ)