"සර් හිරම් ස්ටීවන්ස් මැක්සිම්" හි සංශෝධන අතර වෙනස්කම්

15:33, 13 මැයි 2024 වන විට නවතම සංශෝධනය

(1840-1916). ඉංග්‍රීසි විද්‍යාඥයෙකි, යන්ත්‍ර නිර්‍මාපකයෙකි. මේන්හි උපන් මැක්සිම් පසුව එංගලන්තයේ පුරවැසියෙක් විය. ඔහු විසින් මැක්සිම් තුවක්කුවද, වායු (ගෑස්) බලයෙන් ක්‍රියා කරවන යන්ත්‍රෝපකරණ සහ විදුලි පහන් උපකරණ ද රාශියක් ද නිපදවන ලදි. මැක්සිම් තුවක්කුව වූ කලී පතරොම පත්තු වූ වහා එහි වැස්ම ඉවත් වී ඒ වෙනුවට අලුත් පතරොමක් ඉබේ තැන්පත් වන පරිදි තනන ලද්දකි. මේ නව නිපදවීම නිසා යුද්ධ කටයුතුවලට විශාල උපකාරයක් සිදුවිය. තෝමස් එඩිසන් සමඟ ඇති වූ නඩුවක් නිසා ඉතා වැදගත් නිපදවීමේ බලපත්‍රයක අයිතිවාසිකම ඔහුට නැතිව ගියේ ය. ඔහු ඉන්පසු එංගලන්තයට ගොස් මැක්සිම් තුවක්කු සමාගම පිහිටුවන ලදි. ඔහුගේ සහෝදරයකු වූ හඩ්සන් මැක්සිම් සහ පුත්‍රයා වූ පර්සි මැක්සිම් ද දක්ෂ නිර්මාපකයෝ වූහ. ඩයිනමයිට්වලට වඩා පනස් ගුණයකින් පිපිරවීමේ ශක්තිය ඇති මැක්සිමයිට් නිපදවන ලද්දේ හඩ්සන් විසිනි.

(කර්තෘ: අඥාතයි)

(සංස්කරණය නොකළ)