"ආකර ලුණු" හි සංශෝධන අතර වෙනස්කම්

09:03, 14 ජූනි 2024 වන විට නවතම සංශෝධනය

(Rock Salt). සෝඩියම් ක්ලෝරයිඩ් (NaCl) හෙවත් කෑමට ගන්නා සාමාන්‍ය ලුණු ආකර ලුණු වශයෙන් ස්වාභාවික ඛනිජ නිධිවල ඇත. සමහර ආකර ලුණු නිධි අඩි 100කට වඩා ඝනය. ආකර ලුණුවල තිබෙන සෝඩියම් ක්ලෝරයිඩ් ප්‍රමාණය සියයට 95ක් පමණ වෙයි. වෙළෙඳාම පිණිස තිබෙන සාමාන්‍ය ලුණුවලින් කොටසක් ආකර ලුණුවලින් ලැබේ. එය ස්ඵටිකීකරණයෙන් ශුද්ධ කර ගනු ලැබේ. ආකර ලුණු ස්ඵටිකවල හැඩය සාමාන්‍යයෙන් ඝනාකාරය. ඒවායේ තද බව 2.5යි. ඒවා ජලයෙහි ද්‍රවණය වේ. ආකර ලුණු නිධි ප්‍රධාන වශයෙන් ඇත්තේ ජර්මනිය, පෝලන්තය හා ඇමෙරිකාව යන රටවලය. දැන් තිබෙන නිධි පුරාණ විල් වේළී යෑමෙන් සෑදුණු ඒවා වන්නට පුළුවන. දැනුත් ශීඝ්‍රයෙන් වේළී යන මළ මුහුදෙහි ද එක්සත් ජනපදයේ යුටා ප්‍රදේශයේ මහා ලුණු විලෙහි (Great Salt Lake) ද ආකර ලුණු බෙහෙවින් සෑදෙයි. උතුරු ඉන්දියාවේ තැනිතලාවල ද ආකර ලුණු තිබේ. (ලුණු ද බලන්න.)

(සංස්කරණය: 1965)