"අස්තමය දෝෂ" හි සංශෝධන අතර වෙනස්කම්

12:09, 3 ජූලි 2024 වන විට නවතම සංශෝධනය

ගුරු සිකුරු දෙදෙන අස්ත වීමෙන් ඇති වන අශුභ කාල විශේෂයක් අස්තමය දෝෂ යන නමින් හැඳින්වෙයි. අස්ත වීම නම් යම් කිසි ග්‍රහයකු නියමිත අංශක ගණනක් හිරුට කිට්ටු වීමෙන් මුවහ වී නොපෙනී යාමයි. ගුරු අස්තයට ගිය කල්හි පස් දිනක් ද කිවි අස්තයට ගිය කල දෙදිනක් ද ගුරු සිකුරු දෙදෙන ම අස්ත වූ කල මාසයක් ද අස්තමයදෝෂය පවතී. වෘහස්පති අස්ත වීමෙන් ඇතිවන දෝෂය කිවි උදාවීමෙන් පහවේ. ළදරුවන්ට පළමුවෙන් ආහාර දීමෙහි හැර අනිකුත් ශුභ කාර්යයන්හි මේ කාල දුරු කටයුතු වේ. අස්තමයදෝෂය ඇති කල විවාහ සිදු කිරීමෙන් වෛධව්‍ය වීම ද ගමන් යාමෙන් මරණ භය ද කරකම් (හිසකේ කැපීම) කිරිමෙන් ශඨ බවට පැමිණීම ද ප්‍රතිමාදිය පිහිටුවීමෙන් ලෝකයාට භය ද යාග කිරීමෙන් ස්වාමියාට මරණය ද ගෘහාරම්භයෙන් ගින්නෙන් දෑම ද ගෘහප්‍රවේශයෙන් ගෙහිමියාට මරණය ද රාජ්‍යාභිෂේකයෙන් වරින් වර සතුරු පීඩා ද ඇති වන බව දැක්වේ.

(සංස්කරණය: 1965)