"අෂ්ටක වර්ග" හි සංශෝධන අතර වෙනස්කම්

07:45, 10 ජූලි 2024 වන විට නවතම සංශෝධනය

ජන්ම පත්‍රයක ග්‍රහයන්ගේ හා රාශින්ගේ බලාබල අනුව ශුභාශුභ විනිශ්චය කර ගැනීමට ඉවහල් වන ගණිත ක්‍රමයකට මේ නම ව්‍යවහාර වේ. සූර්යයාදි ග්‍රහයන් කෙරෙන් වර්ග සතක් ද ලග්නය කෙරෙන් එක් වර්ගයක් දැයි වර්ග අටකින් යුත් බැවින් එය අෂ්ටක වර්ග නම් වේ.

භින්නාෂ්ටක වර්ගය, ත්‍රිකෝණශෝධ්‍යය, ඒකාධිපති ශෝධ්‍ය, රාශි ගුණාකාරය, ග්‍රහ ගුණාකාරය, ශුද්ධ පිණ්ඩය ආදි වශයෙන් මේ වර්ග අට කුමාරසුවාමියම් ආදි ද්‍රවිඩ ජ්‍යෝතිෂ ග්‍රන්ථවල අන් අයුරකින් දක්වා තිබේ. රාහුකේතු දෙදෙනාට ද අෂ්ටක වර්ග දෙකක් නියම කර තිබෙන බව ද ඇතැම් ග්‍රන්ථවලින් හෙළි වේ. සූර්යයාදි සප්ත ග්‍රහයන්ට අයත් අෂ්ටක වර්ග සත, ලග්නාෂ්ටක වර්ගය, හින්නාෂ්ටක වර්ගය, සමුදයාෂ්ටක වර්ගය, ත්‍රිකෝණ, ඒකාධිපති ශෝධ්‍ය, ග්‍රහ රාශි යෝගපිණ්ඩ, ග්‍රහ (ගුණකය), රාශිගුණකාදිය අෂ්ටක වර්ගයට අයත් ප්‍රභේදයන්ගෙන් සමහරෙකි.

වැඩි විස්තර අෂ්ටක වර්ග විද්‍යාව, ජ්‍යෝතිෂ සංග්‍රහය ආදි ග්‍රන්ථවල ඇතුළත්ය.

(සංස්කරණය: 1965)